DILI:
Kandidatu Prezidente Repúblika númeru 1, Antonio Maher Lopes ‘Fatuk Mutin’
konsidera durante ne’e povu Timor-Leste seidauk sente sai na’in ba ninia rai
rasik.
Ho
razaun ida ne’e, Fatuk Mutin mosu hodi sai hanesan alternativa ida ba povu
Timor-Leste ne’ebé hakarak atu sente sai na’in duni ba ninia rai hodi bele
eskolla.
“(ha’u)
mai husi povu ida ne’e, ha’u tenke hamutuk ho povu ida ne’e, mosu fila fali ba
povu ida ne’e. Ha’u-nia mensajen ba povu tomak katak tempu to’o ona par povu
hakilar Timor ne’e ha’u nian,” deklara Fatuk Mutin ba olatimornews.com iha nia
sede kampaña, Vila Verde, Sesta (24/02).
Tan
ne’e, nia husu ba povu tomak atu hili lideransa ne’ebé bele sai hanesan
servidór no sai mata-dalan ba dezenvolvimentu.
Tuir
kandidatu númeru 1 ne’e, nia kandidata an ba Prezidente Repúblika tanba iha
kauza fundamental ida.
“La’os
naran tama (kandidata) de’it maibé iha kauza fundamental balun ne’ebé ita tenke
haree papel estadu oinsa, povu oinsa, nasaun ne’e sai oinsa. Ida ne’e mak
hanesan problema boot ida hodi obriga ha’u kandidata an ba Prezidente
Republika,” katak nia.
Kona-ba
programa prioridade, nia dehan, bainhira eleitu nia sei hala’o nia knar tuir
Konstituisaun RDTL haruka.
“Iha
Konstituisaun halo (hakerek) tiha ona kopetensia Prezidensial hanesan koezaun,
soberania, estadu partisipativu no estadu envolve prosesu dezevolvemento. Buat
sira ne’e mak ha’u oferese an ba nasaun ida ne’e,” deklara Fatuk Mutin. (*)
Ola Timor – Estaziariu - Editór: Tellukoro
Foto:
Kandidatu Prezidente Republika numeru 1, Antonio Maher Lopez 'Fatuk Mutin'
hato'o deklarasaun ba media kona-ba razaun nia kandidata an ba Prezidente
Republika. FOTO: olatimornews.com
Sem comentários:
Enviar um comentário