Prezidenti
Republika (PR), Taur Matan Ruak, alerta ba povu tomak atu hotu-hotu hamutuk
‘luta’ kontra pensaun vitalisia. PR Taur rasik mos kontinua mantein no
luta halakon pensaun ne’e tanba povu sei moris ki’ak no mukit.
“Hau
kontra pensaun vitalisia. Lei ne’e, hau haruka ona ba Tribunal no Tribunal
haruka mai atu hau sei haruka fali ba Parlamentu Nasional. Maske ita maju kena
no mundur kena, ita kontinua luta para halakon tanba iha dalan atu ita halakon
pensaun vitalisia ne’e,” afirma PR Taur Matan Ruak, liu husi dialogu
komunitaria iha Suku Ilatlaun, Munisipiu Bobonaro, Sesta (10/2/2017).
PR
Taur rekonhese katak, nasaun barak iha pensaun vitalisia, maibe Timor Leste
seidauk bele tanba mioria povu sei moris iha kiak ho mukit, tanba ne’e, seidauk
merese atu ukun nain sira hetan pensaun vatalisia ho montante ne’ebe boot liu
fali pensaun ba veteranus no antigu kombatentis sira.
Antes
ne’e, Manuel Pires Amaral, nudar komunidade husu ba PR Taur atu halakon tiha
deit pensaun vitalisia, tanba estudantes barak iha teritoriu Timor laran mos
sei tuur deit iha rai hodi tuir aprendeizazen.
Komunidade
Suku Atu-Aben, Bobonaro, Jose Marcal da Crus, mos rekomenda ba PR Taur atu hola
pozisaun konstitusional para veta tiha lei pensaun vitalisia, ne’ebe fo kbi’it
deit ba ukun nain sira hafoin sira nia mandatu remata iha tinan 5 nia laran.
“Ami
povu iha area rural konsidera lei pensaun vitalisia nudar projeitu deputadu
sira iha parlamentu nasional nian nunee ukun nain sira fahe osan ba malu liu husi
pensaun maske ukun tinan lima deit,” afirma Jose Marcal da Crus.eus
Jornal
Nacional Diário
Sem comentários:
Enviar um comentário