KANDIDATU-FP ATIVU IHA PARPOL, TENKI LISENSA SEM VENSIMENTU

Prezidente Komisaun Funsaun Publiku (KFP), Faustino Cardoso, hatete, kandidatu Prezidente Republika (PR) no mos Funsionariu Publiku (FP) ne’ebe mak dadaun servisu iha instituisaun Estadu, hakarak uja tempu tomak hodi hala’o no ativu iha Partidu Politiku (PARPOL) tenki lisensa espesial sem vensimentu, tamba la servisu liu loron 21 tenki dimitidu.

FP tenke kumpri lei funsaun publika nian katak, labele abandona oras servisu hodi hala’o fila fali atividade partidu nian, inklui tenke kumpri kodigu penal labele uja sasan Estadu nian hanesan kareta, motor, telefone no seluk tan, wanhira hetan sei kona  kodigu penal, tamba dekulatu de uzu.

“Karik hakarak uza partisipasaun tempu tomak ba partisipasaun politiku husu  lisensa espesial sem vensimentu no mos kumpri kodigu penal, labele uja sasan  Estadu nian hanesan kareta, motor, telefone, satan uza fatin servisu Estadu  nian  atu  hala’o interese partidu politiku ne’e labele, wanhira hetan sei kona  kodigu  penal, tamba dekulatu de uzu”esklarese Prezidente KFP, Faustino  Cardoso, ba  JN-Diario iha Centru Convenções de Dili (CCD), Sesta (11/02/2017).

Tamba  ne’e  nu’udar  Prezidente  Komisaun  Funsaun  Publiku  (KFP)  Faustino  Cardoso, husu  ba  funsionariu  publiku  sira  atu  kumpri  lei  funsaun  publika  katak, labele  prejudika  servisu  funsional  loro-loron  nian.

“Atu  sedeit,  kandidatus ka funsionariu publiku primeiru nia tenki lisensa espesial  sem vensimentu ba iha komisaun funsaun publiku (KFP), wanhira laiha lisensa  maka sei aplika prosesu disiplinar,”haklaken Prezidente KFP.

Nia esplika katak, wanhira la tama servisu liu loron 21 automatikamente dimitidu  hodi fo sansaun no depende ba gravidade hanesan at liu mak demisaun, entaun nia  tenki husu lisensa nune’e mos, laos deit lei funsaun publika, maibe mos kodigu  penal, tamba eleitoral ne’e krime publiku.

Nune’e  mos  sedeit autoridade konfedensia sai tiha bele hola atuasaun, wanhira la  halo atuasaun funsaun publika sei halo prosesu disiplinar no mos ninia  implikasaun katak, kuandu hetan ona sansaun sei lakon oportunidade atu goza nia  kareira.tos

Jornal Nacional Diário