PLP Husu Taur Veta LPV

DILI - Parlamentu Nasional (PN) aprova ona lei pensaun vitalisia no haruka ona ba Prezidente Republika (PR) Taur Matan Ruak atu promulga, maibe Partidu Libertasaun Popular (PLP) husu atu xefi estadu veta.

Iha opsaun rua ba PR veta no promulga tanba nee Vice Prezidente Partidu Libertasaun Popular (PLP) Andre da Costa L4 husu PR veta LPV tanba pensaun ba Prezidente Republika (PR) nafatin 100%.

Ba ami PLP nia pozisaun rasik Prezidente Republika, Taur Matan Ruak tenke veta, tanba ita haree ba ita nia povu oras nee sei kiak,” dehan L4 ba jornalista sira iha nia knar fatin, Mascarinhas-Dili, Sesta (27/01/2017).

Vice Prezidente PLP haktuir, durante nee PR lao husi suku ba suku nia sempre hatete ba povu sira katak nia pozisaun halakon pensaun vitalisia, tanba povu barak sei moris kiak no mukit nia laran.

Vice Prezidente PLP salenta, tuir lolos osan neebe mak atu fo nee hanesan subsidiu ida ba eis titular no orgaun soberanu sira, hodi fasilita sira hodi hadia sira nia moris laos sai pensaun vitalisia.

Iha sorin seluk, Observador Politika-UNTL, Camilio Ximenes Almeida dehan, durante nee laezije ba PN atu mantein pensaun 100% ba eis Prezidente Republika (PR) nian. Informasaun kompletu iha STL Jornal no STL Web, edisaun Sabado (28/1/2017). Raimundo Sarmento Fraga

Suara Timor Lorosae

LEE MÓS IHA SUARA TIMOR LOROSAE