Jose Luis Guterres Re-eleitu ba Prezidente PFM

DILI - Prezidente Re-eleitu Partidu Frente Mudansa (PFM), José Luis Guteres hatete, fatin ba Sekretáriu Jerál (sekjer), sei mamuk hela.

Maibé, Lugu dehan, depois enkontru Conselho Politica Nacional (CPN), nian mak foin bele hili sé maka sei sai sekjer PFM nian.

“Ita diside ona iha kongresu, ami nia sekretariu jerál depois ami nia CPN maka sei hili,”Lugu informa ba jornalista sira iha salaun Don Bosco Comoro, Kinta (9/12).

Lugu hatutan, kongresu ba dala rua PFM nian ne’e halo de’it apresiasaun ba lideransa tuan nian.

 Kona-ba sekjer, nia dehan, fatin mamuk, tanba ne’e maka kongresista sira diside halo de’it rejolusaun hodi bele hili sekjer foun liu hosi membru CPN sira.

“Ita nia tempu maka la to’o hodi ita la konsege hili, ami nia sekjer tanba pozisaun ne’e maka sei mamuk hela,”nia esplika.

Maibé, nia dehan, PFM iha komitmentu ida katak sei liberta povu ne’e hosi mukit nia laran. (way)

Timor Post