DÍLI,
(ANTIL) - Governu Repúlika Demokrátika Timor-Leste (RDTL), liuhusi Ministériu
Turismu, Arte no Kultura (MTAK), ) hamutuk Ministériu Komérsiu, Indústria
iha planu atu propoin Tais ba UNESCO (United National Education, Scientific and
Cultural Organization), atu hetan rekoñesimentu mundiál.
Ministru
Turizmu, Arte no Kultura, Francisco Kalbuady Lay informa ida-ne’e bainhira
ko’alia iha lansamentu produsaun Tais husi Kompañia Raya Tex ho tema “Tais
Ready to Wear 2017” iha Centro de Convenções de Díli (CCD),
Sábadu (10/12).
“Tais
nu´udar ita-nia rikusoin husi ita-nia avó, bizavó no husi tempu ba tempu rai
hela mai ita. Nune’e, ita presiza atu hetan rekoñesimentu mundiál. Ami mós husu
apoiu husi Parlamentu Nasionál,” Francisco Kalbuady Lay dehan.
Ministru
Kalbuady esplika, tais rasik nu´udar patrimóniu nasaun ne’ebé ema hotu
sempre sente haksolok uza. “ Espera iha futuru, ema hothotu uza tais iha
serimónia sira no servisu fatin, liuliu funsionáriu sira iha instituisaun
Governu,” nia dehan tan.
Prezidente
Parlamentu Nasionál, Aderito Hugo da Costa informa, Komisaun Funsaun Públika
iha ona preparasaun atu implemta uniforma ba funsionáriu sira, uza tais. Tanba
Konsellu Ministru aprova ona proposta kona-ba uniforma ne’e.
Parlamentu
Nasionál rasik, tuir Prezidente Parlamentu, iha ona uniforma ba funsionáriu
Parlamentu sira, kombina ho tais.
Entertantu
Raul Lemos, na’in husi kompañia Raya Tex esplika, empreza ne’e kontribui
promove Timor-Leste nia tais, liuhusi suku ba modelu roupa, atu koñesidu liutan
iha nível nasionál no internasionál.
“Iha
tempu hanesan kria kondisaun di´ak ka loke kampu serbisu ba foinsa´e timoroan
nomós kolabora oinsa ho inan-feton sira ne´ebé lorloron soru tais hodi hasa´e
sira nia rendimentu ,” nia dehan tan.
Liuhusi
Raya Tex, hakarak inisia promove no transforma produtu Tais ba valór ekonómiku
ne´ebé adekuadu, liliu transforma tésidu ho kualidade komersiál ne´ebé ema
hothotu bele uza, maibé preserva nafatin karaktér orijinál, reprezenta
identidade rejiaun idaidak nian (Jornalista: Rafy Belo/Editór: Otelio Ote)
Foto:
Ministro do Turismo, Arte e Cultura, Francisco Kalbuady Lay
Sem comentários:
Enviar um comentário