Deskonfia Ministru CNRT Barak Involve Korupsaun

DILI – Deputadu husi bankada Frente Mudansa Jorge da Conceição Teme hateten, ohin loron ema rona Ministru husi CNRT barak maka involve kazu korupsaun, maibe nunka hasai sira nia imunidade hodi ba hatan iha Tribunal.

Uluk iha tempu AMP Jose Luis Guterres akuzadu involve iha korupsaun hasai imunidade nia ba hatan, depois ikus senteza laiha sala, mais ohin loron ita rona Ministru husi CNRT barak maka involve kazu korupsaun, maibe nunka hasai sira nia imunidade,” dehan deputadu Jorge ba jornalista sira iha PN, Dili, Segunda (14/11/2016).

Nia dehan, Partidu boot uja nia poder atu taka sira nia aan husi justisa ida nee maka lalos, tanba sai maioria atu fo exemplu neebe diak, laiha ema ida neebe hamrik iha lei nia leten, hotu-hotu iha lei nia okos.

Deputadu Jorge mos senti triste tanba presiza hare didiak orsamentu neebe gasta ba projetu Hera, Uma MDG no edefisiu Finansas neebe gasta maibe lauja too ohin loron.

Iha fatin hanesan membru PN husi bankada CNRT Arao Noe hateten, korupsaun nee ema barak koalia, tanba kazu neebe lori ba Tribunal tenke iha buat rua, iha faktus no iha testamuna katak iha evidensia no testamuna labele lori kazu ida ba iha neeba nee ema hotu-hotu hateten. Informasaun kompletu iha STL Jornal no STL Web, edisaun Tersa (15/11/2016). Carme Ximenes

Suara Timor Lorosae