domingo, 31 de julho de 2016

PR TAUR LAKOHI PROMULGA LALAIS OR


Prezidenti Repúblika (PR), Taur Matan Ruak informa katak, lakohi promulga lalais Orsamentu Retifikativu (OR) tinan ida ne’e nian, tanba sei presiza estuda didi’ak.

“Ha’u sei estuda depois haree, ha’u rona katak, iha Palácio Prezidénsia, Xefi Casa Civil simu tiha ona, mas ha’u sei haree, depois mak ha’u halo ha’u nia desizaun saida,” dehan Taur Matan Ruak ba jornalista sira, hafoin remata nia vizita iha Suku Faturasa, Postu Administrativu Remexio, Munisípiu Aileu, Kuarta (27/07), hodi hatán ba Parlamentu Nasionál (PN), nia ejijénsia ne’ebé promulga lalais Orsamentu Retifikativu (OR) 2017, tanba tempu ezekusaun ne’e, limitadu tebes ona.

Maibé Xefi Estadu ne’e dehan, nia sei estuda didi’ak lai, depois mak nia fó nia pozisaun.

“Mas iha despezas ke Governu tenki selu, Governu deve emprezáriu sira tinan rua to’o tolu, entaun emprezáriu sira mós lamenta tebes,” katak Taur Matan Ruak.

Xefi Estadu ne’e esplika katak, OR ne’e, la’os de’it ba selu dívidas, maibé barak liu mak selu dívidas duni.

“Sira balun dehan  Prezidenti Repúlika veta, maibé barak mak dehan, ita kuandu la selu emrpezariu sira mós problema, tanba projetu barak Estadu seida’uk selu emprezariu sira,” informa PR Taur Matan Ruak.

Taur Matan Ruak hatutan katak, Governu tenki selu dívidas tanba tinan oin halo ona eleisoens, entaun seida’uk hatene lós partidu ida ne’ebé mak atu forma fali Governu, entaun sira tenki selu hotu sira nia tusan.

Xefi Estadu ne’e afirma Governu foun ne’ebé la’os atu selu Governu seluk nia tusan.

Husi sorin seluk, populasaun balun kestiona katak, OR tinan ida ne’e atu selu de’it dividas ne’ebé tinan hirak liu ba husik hela ba Governu ida ne’e.

“Tanba ne’e ami hakarak husu ba Prezidenti Repúblika katak, Governu kada tinan aprezenta orsamentu tuir planu ne’ebé mak iha ona, maibé tanba saida mak kada tinan orsamentu ne’e hasai nafatin ba selu dívidas,” dehan Manuel de Jesus bainhira dialogu ho PR Taur Matan Ruak iha Suku Fadabloko no Suku Hautoho Segunda (25/07).

Manuel de Jesus dehan, sira rona diskusaun husi Governu ho Parlamentu Nasionál katak, Orsamentu Retifikativu tinan ida ne’e, so para atu selu de’it diviidas, maibé iha dividas sira ne’e iha kedas tinan hirak liu ba.

Ho ida ne’e PR Taur Matan Ruak hateten katak, OR ne’e atu selu dívidas duni.

“Ida ne’e loloos imi husu ba Governu katak, taba saida mak sira seluk dívida. Ita iha ona tusan ne’e, ita iha dever atu selu, ita deve karuk no deve los, entaun ita tenki hasai osan ba selu,” katak Taur Matan Ruak.

Taur Matan Ruak haktuir, orsamentu retifikativu ne’e, la’os Governu ka Parlamentu Nasionál mesak mak foti desizaun, maibé sira halo diskusaun hamutuk.

“Klaru katak, Prezidenti Republika preokupa, tanba Governu halo tusan barak, maibé ita nia emprezáriu sira sei kiak hela,” dehan Taur Matan Ruak.cos

Jornal Nacional

KLINIKA OECUSSE SEI SALVA OSAN ESTADO


Klinika Especial Oecusse sei salva osan Estado nian ne’ebe mak aloka ba tratamentu saude membru Governu no membru Parlamentu Nasional ne’ebe mak atu ba halo tratamentu espesial iha hospital Singapura no Bali-Indonesia.

“Lapresiza ba halo check up to’o iha Singapura no Bali, mas bele mai deit iha klinika especial, tanba iha ekipamentus kompletu no kualidade hanesan mos iha hospital Singapura no Bali, hodi nune’e osan  ne’e tama fali deit iha rai laran, maibe sira balu hakarak ba pasiar,”  hateten Prezidente ZEESM, Mari Alkatiri bainhira enkontru ho delegasaun komisaun E-Parlamentu Nasional trata asuntu Infraestruturas, Transportes no Komunikasoens iha edefisiu ZEESM, Oecusse, Tersa (26/07/2016).

Prezidente Zona Ekonomia Especial Sosial Merkadu (ZEESM), Mari Alkatiri, hateten katak, populasaun iha teritorio Enklave Oecusse kuandu halo check up iha Klinika especial Oecusse gratuita, kompara ho populasaun mai husi nasional.

“Hau hakarak dehan katak Sistema iha klinika especial ne’e, kuandu moras husi hospital referal mai ladiak mak bele haruka ba liu klinika especial, maibe sira ne’ebe ih osan bele ba dereita, mais especifiku ba povu Oecusse ZEESM mak responsabiliza.”

Eis primeiru Ministru ne’e, hatutan tan katak, klinika especial ne’e ninia ekipamentus kualidade tebes, tanba estandar internasional.    Tanba ne’e maka Prezidente ZEESM ne’e dehan katak, membru Governu no membru PN sira sempre ba halo check up iha Singapra no Bali-Indonesia, hahu ba oin lapresija ba ona, bele mai check up deit iha klinika especial Oecusse, hodi nune’e osan ne’e bele tama fali deit ba Estado.

Iha fatin hanesan, xefi delegasaun komisaun E, deputado Manuel Castro, apresia tebes ho kondisaun klinia especial ne’e, tanba kualidade diak tebes.

“Hafoin hare dereita kondisaun klinika especial ne’e diak tebes, tan ne’e maka membru Governu no parlamentu sira kuandu moras lapresija ba rai liur ona, tanba ita nia klinika ne’e diak tebes, ekipamenstus kompletu,” dehan Castro.

Deputada bankada CNRT, Albina Marçal kongratula prezidente ZEESM, Mari Alkatiri, tanba esforsu hodi halo klinika especial ne’ebe mak diak teb-tebes ho ekipamentus kompletu no kualidade.

“Hau hato’o parabens ba ZEEMS, tanba ami ba ona hare dereita klinia ne’e kapas no furak tebes, antes seidauk mai hare no rona ema koalia barak, mais hafoin hare tiha ho matan sente kontente, maske gasta osan barak mas ninia kualidade diak tebes,” apresia deputada Albina.

Iha fulan Agostu 2016 sei halo inagurasaun ba klinia refere, hodi nune’e iha fulan oin mai hahu funsiona. Partisipa iha fiskalizasaun ne’e mai husi deputado Manue Castro hanesan xefi delegasaun, deputada Albina Marçal, deputado Francisco Andrade, deputado Manuel Salsinha, deputada Anastacia Amaral, akompanha mos husi asesor komisaun no tekniku.mia

Jornal Nacional

KIAK IHA TIMOR-LESTE TÚN BA 30.3%


Vise Ministru Finansas (MF), Helder Lopes, hateten, tuir rezultadu anilize hatudu katak, Governu konsege hatún duni kiak iha Timor-Leste (TL) husi 47.2%  iha   tinan 2007 tún ba 30.3% iha 2014.

Helder Lopes hato’o lia hirak ne’e ba jornalista sira iha Palasiu Governu, hafoin aprezenta  rezultadu analize  kiak iha TL liu husi Konselhu  Ministru,  Tersa (26/07).

Tuir Helder Lopes katak,  kona-ba  rezultadu analize  kiak  iha TL, analiza   ne’e MF, liu-liu Diresaun Jeral Estatistika halo hamutuk ho Banko Mundial hodi haree kona-ba situasaun kiak  iha TL.

 “Depois maka ita kompara ho tinan pasadu  hanesan tinan 2017, rezultadu analize hatudu katak, Governu konsege hatun duni kiak, husi 47.2%  iha   tinan 2007 tun ba 30.3% iha 2014,”subliña Helder Lopes.

Helder Lopes hatutan, indisiu kiak  ida ne’e bazeia ba liña kiak  internasional.

“Depois analiza    ne’ebe maka  ita halo uza aprosimasaun  hanaran consumsun  uproot  ne’ebe atu hateten katak, kiak    ita hatun duni,”dehan Helder Lopes.

Agora kona-ba dezenvolvimentu  ne’ebe maka hala’o  ne’e ekuitativu ka inklusivu ka lae? Nia dehan, rezultadu analize  ne’ebe maka MF hamutuk ho Banko Mundial aprezenta mos  ba KM hatudu katak,   dezenvolvimentu   ne’ebe durante  ne’e halo ekuitativu duni ou inklusivu duni.

“Ne’e signifika ita dehan dezenvolvimentu   ne’ebe maka   ita  halo  ema barak maioria povu hetan benefisiu husi dezenvolvimentu ida ne’e,   no dezenvolvimentu  ida  ne’e la fo benefisiu deit ba grupu A ka grupu B, depois ita mos halo komparasaun ba   ita nia dezenvolvimentu ne’e ekuitativu ka inkluisivu ka lae?   ho nasaun seluk,    bainhira   ita  halo komparasaun   ita nia rezultadu analize hatudu katak,  ita nia dezenvolvimentu ne’e nia rezultadu kona-ba ekuitativu ho inkluisivu ne’e diak liu ho nasaun seluk,”dehan Helder Lopes.

 Bainhira husu tarjetu Governu ninian  atu kombate kiak iha TL,  Helder Lopes hatan,  Governu la trasa alvu bainhira los maka kiak ne’e zero.

“Ita tenki liga ba vizaun Planu Estratejiku Dezenvovimentu Nasional  ne’ebe hateten  katak,   to’o iha 2030 ita buka meus oi-oin  para kiak  iha Timor la iha ona,  ema hotu moris saudavel, ema hotu ba asesu edukasaun  ne’ebe iha kualidade,  ema hotu edukadu   ho ida ne’e maka planu programa hotu-hotu  ne’ebe maka  ita tenta implementa ita tenki implementa enkuadra estratejiku dezevovimentu nassional  ne’ebe maka ha’u mensiona,”tenik Helder Lopes.avi

Jornal Nacional

SATL FAKAR KOTO BA GOVERNU, PM RUI: “PRESIZA HALO INVESTIGASAUN”


Sociedade Agricultor Timor Leste (SATL) Kinta feira (28/07) halo surpreza boot ida ba Governu. Tanba foin dadersan deit, SATL ne’e lori ona koto maran kuaze toneladas 19 ba fakar iha Palásiu Governu oin.

Aktu SATL nian nee nudar asaun protesta ida ba governu tamba governu la sosa produtu nebe SATL sosa tutan husi povu agrikultor sira ho razaun akondu sosa produtu lokal nee remata ona.

Ho atetudi SATL nian ne’e, Primeiru Ministru (PM) Rui Maria Araújo hateten katak, presiza halo investigasaun ba ema sira ne’ebé lori koto mai fakar iha Palásiu oin.

“Tenki investiga didi’ak, ema sira ne’ebé lori koto ba Palácio Governu ne’e, ema sira ne’e agrikultor duni ka la’e. Sira ne’e la’os agrikultor, sira ne’e ema ne’ebé ba sosa povu agrikultor sira nia koto, depois mai obriga fali Governu atu sosa ne’e, la lós fali ona,” dehan Xefi Governu Rui Maria Araújo ba Jornalista sira iha Palácio Prezidensia Aitarak Laran Dili, hafoin hasoru malu ho Xefi Estadu, Kinta feira (28/07).

Maibé Rui Maria de Araújo dehan, programa povu kuda Governu sosa ne’e, mai husi Kuartu Governu ninian.

“Sestu Governu ne’e, kontinua buat balun ne’ebé mak Kintu Governu hala’o, maibé fokus ne’e, la’os iha ne’ebá (povu kuda Governu sosa), la’os dehan buat hotu ne’ebé povu kuda, Governu tenki sosa la’e,” tenik Rui Araújo.

Xefi Governu ne’e esplika, buat ne’ebé povu kuda, primeiru povu tenki han hodi hadia sira nia nutrisaun, depois restu mak Governu sosa.

Tuir PM  Rui Araújo katak, Governu sosa ne’e para uza fali ba programa merenda eskolar, no responde fali ba situasaun emerjénsia.

“Governu atu sosa mós, Governu sei ba direitu povu agrikultor sira, tanba programa ne’e hateten hanesan ne’e, la’os ema seluk ba hakna’ok fali husi povu agrikultura mai, depois mai obriga fali Governu atu hola tutan fali. No agora dada’uk Ministériu Agrikultura ho Ministériu Comercio Industria i Ambiente mak hala’o ida ne’e”, Rui Araújo fundamenta.
Akordu hotu ona.

Husi sorin seluk, Administrador Centro Logístico Nacional (ACLN), Nívio Mangalhães klarifika katak, Ministériu Comério Indústria e Ambiente (MCIA), la sosa produto lokal Sociedade Agrikutores Timor Leste (SATL) nian, tamba data konaba akordu atu sosa produtu local ne’e remata ona.

“Akordu ne’e la válidu, tamba halo iha dia 16 de Fevereiru 2012 to’o dia 15 de Julho 2012, i agora ne’e ita iha tinan 2016.  Akordu ne’e halo ho Ministériu Turismo Comércio Indústria i Ambiente (MTCIA), no agora ita iha Ministériu Comércio Indústria e Ambiente (MCIA) nia okos.” Hatete Nívio Mangalhães ba JN-Diário, Kinta(29/07), iha Palácio Governu.

Nia reforsa, programa povu kuda Governu sosa la signifika katak, Governu atu sosa hotu produto lokal ne’ebé povu kuda, maibé tenki hatene produto ne’e saida, nia kuantidade ne’e hira no ho nia kualidade ne’e oinsa i tenki tuir mos procesu lei aprovisionamentu. Atu nune’e osan hirak ne’ebé aloka ba Ministériu bele uza tuir nia dalan, tamba ne’e osan povu nian.

“Sociedade Agrikultores Timor Leste dehan, sira iha akordu ida ho Ministériu, maibé ami hakarak hato’o katak, uluk iha duni akordu entre Ministériu Turismo Comércio e Indústria iha 2012 atu sosa produto husi sociedade ida ne’e, maibé nia data válidu maka dia 6 de Fevereiro 2012 to’o dia 15 de Julho 2012, signifika katak, kontratu ida ne’e iha 2016 ita labele uza ona,”Nívio fundamenta.

Kontratu laiha durasaun tempo

Iha parte seluk, xefi Sosiedade Agrikultura Timor Leste (SATL), Hermenegildo Soares Monteiro hateten,  sira hatun koto  ne’e iha Palasiu Governu nia oin, tanba antes  ne’e iha tinan 2012 no tinan 2014 iha ona akordu  iha Parlamentu Nacional, kona-ba Governu atu sosa produtu lokal  ne’e.

“Sira (Governu) hateten katak, tinan  2015 imi labele hatama lai,  maibe 2016 imi bele hatama produtu  lokal ne’e mai, maibe mosu fali hanesan ne’e,” esplika  Hermenegildo Soares Monteiro, ba jornalista iha Palasiu Governu.

Nia hatutan,  iha akordu ne’e la hateten kona-ba durasaun tempu ba kontratu entre asosiasaun ho Goveru kona-ba sosa produtu koto ne’e.

Ba kestaun nee, Administrador  Sentru Lojistika Nasional husi MCIA, Nivio  Magalhães hatete, produtu ne’e MCIA seidauk halo teste no seidauk halo verifikasaun.

“Ita kuandu simu deit,  bele hamosu problema foun,  hamosu presedensia ladiak  iha futuru, katak  Governu bele sosa deit produtu sira ne’e sein kontratu, ne’e lalos,”dehan Nivio Magalhães.

Nia hatutan, MCIA la’os dehan lakohi sosa lae?   primeiru MCIA dehan, atu sosa  ne’e tenki iha kontratu,  segundu atu la’o ba kontratu ne’e tenki verifika uluk ninia kualidade koto ne’e diak duni ka lae?   tanba koto sira ne’e,    MCIA  bele fo ba  programa marenda eskolar,   nomos apoia humanitaria iha Ministerio Solidariedade Sosial (MSS).

“Se agora  ita fo ita nia oan sira,  ita nia futuru jerasaun ida ne’e ho kualidade ne’ebe diak maka sira sei hetan diak ba sira nia saude,  mas a’at mos a’at ba sira nia saude, tanba ne’e maka   ita tenki kuidadu didiak,”dehan  Nivio Magalhães.

Koto sira ne’e lori husi Munisipiu Ainaro,  ho kameoneta 4 maka tula, atu hatun iha Ministerio Comersio Industria e Ambiente (MCIA), maibe tanba kontratu la klaru, ekipa MCIA haruka agrikultor SATL sira ne’e tula hikas koto ne’e fila, maibe to’o iha Palasiu Governu oin agrikultor SATL ne’e hatun  tiha koto ne’e iha Palasiu Governu oin iha parte estrada sae ba Akait.

Ho ida ne’e fo impaktu ba engrafamentus iha area refere, maibe Polisia Nasional Timor-Leste husi Tranzitu konsege manda kareta la’o tuir ninia dalan.

Koto ne’ebe maka fakar ne’e,  hetan observa deretamente husi Komandante Jeral PNTL Interino, Komisario Faustinho da Costa,  ho Adjuntu Komandante PNTL, Munisipiu Dili, Superintendente, Euqlides Belo,  nune’e hodi orienta membru sira lori kareta tula tiha koto ne’e husi Palasiu Governu ba armajen. cos/ias /avi

Jornal Nacional

KOMPETISAUN AUG SINGAPORE, MARQUITA HETAN 3˚LUGAR


Atleta husi modalidade Atletismu Timoroan feto ida ho naran Marquita dos Santos hetan rekor iha Singapura tanba okupa terseiru lugar (3˚ lugar), hafoin partisipa kompetisaun Asean University Game’s (AUG) ba da-18 foin lalais ne’e.

Atleta husi modalidade desportu atletismu, Marquita dos Santos ne’eb’e núdar atleta selesionadu husi Federação Desportiva Academica de Timor Leste (FDA-TL) ne’e hanesan manan nain ba terseiru lugar ba kategoria 800 Km.

Atletas ekipa husi FDA-TL ne’e rasik aranka ba Singapura iha 07/07/2016 no fila iha 21/07/2016 mai Timor Leste foin lalalis nee. ekipa ne’e partsipa iha eventu internasional Asean University Game’s ho modalidade tolu hanesan Futebol Atletismu no Badminton (manu fulun-red)

Haree ba prestasaun ne’e, husi entrevista jornalista sira ho atleta Marquita do Santos hateten, nia parte hanoin atu partisipa deit no la iha esperansa atu manan ka okupa fatin hanesan manan nain iha jogu ne’e, tanba laiha preparasaun ne’ebé diak, maibe to’o iha Singapura hamutuk ho ekipa fó korazem ba malu, katak nusa mak ema seluk bele no ita labele.

“Ha’u nia agradase wa’in ba AMAN MAROMAK ninia akompañamentu, kompetisaun atu hahú ha’u sei nafatin seidauk iha fiar-án atu bele kompete ho atleta husi Nasaun seluk hanesan Laos, Malaysia, Myamar, Filipina, Singapura no Thailand, maibe hau fiar maromak sei akompaña no halo milagere, to’o ikus hau sai hanesan terseiru lugar,” katak Nia.

Ho rekor refere, Marquita, senti kontenti no urgulhu tanba hanesan reprezenta Nasaun Timor- Leste dala barak ona tuir eventu iha estranjeiru (rai liur-red) no nunka hetan rekor másimu, maibe foin lalais ba kompete iha Singapore Asean University Game’s ne’e, konsege hetan rekor tanba hetan terseiru lugar.

Núdar atleta ne’ebé reprezenta husi Nasaun Timor-Leste, Marquita rekuinese katak, senti todan maibe senti urgullu no kontenti wainhira Bandeira Nasional lekar iha kompetisaun ne’ebá (Singapura-red) tanba fiar TL mos bele maske menus fasilidade no preparasaun maibe wainhira fiar-án, katak sei bele hetan vitoria.

Timor-Leste iha nia modalidade desportu tolu, Futebol ekipa 11, okupa Runner Up hafoin derota iha jogu final kontra ekipa Thailand, Atletismu ne’ebe Marquita mak sai núdar terseiru lugar ba kategoria 800 Km no Juventina dos Santos iha terseiru lugar ba kategoria 800 Km, enkuantu husi modalidade Badminton mak la hetan titulu ruma.Ito

Jornal Nacional

sábado, 30 de julho de 2016

QUANDO UM GOLPE VAI ALÉM DA FACE DE UM HOMEM



O vídeo que mostra um policial dando uma bofetada no jornalista Jeronimo da Silva para que este deixe de registrar a realização de uma blitz ( check point ) mancha a imagem da Policia Nacional do Timor Leste diante do país e do mundo.

Uma cobertura jornalística ser hostilizada por contemplar uma ação policial já é algo, no mínimo, estranho, pois se funcionários públicos estão agindo dentro da lei e da ordem é natural que não temam quaisquer formas de observação e captação de imagens. E a filmagem evidencia haver algo mais que estranho, pois nela aquele mau funcionário (pago com nossos impostos, inclusive) mostrou que a lei e a ordem nem sempre permeiam a conduta dos membros daquela instituição que por elas deveriam se orientar sempre, para não correr o risco de deseducar nossos jovens.

O fato de o agressor não ter hesitado, mesmo diante da condição social e intelectual do agredido e da possibilidade de seu ato estar sendo registrado, deixa-nos a imaginar quantas vezes o autoritarismo em questão se repete no cotidiano  timorense, vitimando, principalmente, pessoas mais humildes e menos esclarecidas que silenciam não por concordarem ou se acostumarem ao abuso de autoridade, mas por receio de que uma possível denúncia venha a ser ignorada ou, ainda, se tornar motivo de retaliação.

Seria ignorada uma tentativa de moralizar tal corporação, que tem a obrigação de dar bons exemplos à sociedade? Ora, parte dessa corporação, ao invés de se sentir envergonhada com a atitude à margem da civilização, tentou acobertar o erro negando a ocorrência denunciada pelo jornalista. Sorte que tudo foi filmado, senão a vítima passaria a acusada e o acusado passaria a vítima, numa completa inversão de papéis e valores.

E por que não esperar uma retaliação, se o bom cidadão, no exercício do seu trabalho honesto, recebe um tapa na cara? Por parte de um servidor público que deveria apreciar e proteger o bom cidadão, o trabalhador honesto. Que país  é esse?

O que devem estar se perguntado os internautas de diversos países do mundo ao verem o referido vídeo? Perguntarão: Timor admite policiais que não estudaram o suficiente para o cargo que ocupam? Ficam apenas no papel as normas estatutárias e regimentais que regulam a conduta dos militares? A corporação orienta equivocadamente seus membros?

É imprescindível uma ação rápida, enérgica e exemplar sobre o ocorrido, antes que a mão que bate no cidadão de bem ouse cumprimentar o bandido.* 

O Reino Unido saiu da União Europeia: Qual o impacto disto na minha vida pessoal?


Uma análise do impacto da saída do Reino Unido da União Europeia sobre as nossas vidas e as nossas carreiras.


Primeiro, antes de responder a esta pergunta especifica, gostaria de conceituar alguns termos importantes dentro do assunto:

BREXIT: É a abreviação das palavras em inglêsBritain (Grã-Bretanha) e exit (saída) e está relacionada com o movimento que apoia a saída do Reino Unido da União Europeia.

INGLATERRA: É um país que tem como capital a cidade de Londres. Ao longo da história, a Inglaterra conseguiu se impor politicamente sobre alguns países vizinhos e passou a controlar um Estado batizado de Reino Unido.

GRÃ-BRETANHA: É o nome da grande ilha onde ficam três países: Inglaterra, País de Gales e Escócia. O termo "Grã-Bretanha" muitas vezes é usado como sinônimo de "Reino Unido" - o que não é inteiramente correto, pois um dos países que formam o Reino Unido não fica nessa ilha.

REINO UNIDO: É um Estado formado por quatro países: Inglaterra, Escócia, País de Gales e Irlanda do Norte. A chefe de Estado é a rainha Elizabeth II e o de governo um primeiro-ministro, eleito por um Parlamento central, em Londres.

UNIÃO EUROPEIA: A União Europeia é um bloco econômico, político e social de 28 países europeus que participam de um projeto de integração política e econômica. Estes países são politicamente democráticos, com um Estado de direito em vigor.

1-Impacto coletivo

Do ponto de vista econômico, o efeito foi imediato: A moeda inglesa (Libra Esterlina) desvalorizou-se frente ao dólar e as bolsas de valores do mundo todo passaram a operar em baixa, principalmente as bolsas de valores europeias. Como a Inglaterra é a quinta maior economia do mundo, muitas empresas, principalmente as com sede no Reino Unido, perderam valor de mercado, isto se vê refletido na queda dos valores de suas ações nas bolsas de valores.

2-Impacto individual

Apesar de não haver um imediato efeito econômico mensurável nas nossas vidas como cidadãos brasileiros, do ponto de vista emocional é mais uma tragédia que nos abate. No Brasil, devido aos últimos acontecimentos políticos, que produziram graves consequências no mercado financeiro, há um clima de pessimismo no ar e mudanças bruscas e contraditórias são recebidas com a ampliação deste pessimismo. Em horas como estas, diante da mediática cobertura feitas pelos meios de comunicação, os investidores retraem os seus aportes nos setores produtivos e buscam a maior segurança dos mercados financeiros, principalmente naqueles investimentos que oferecem maior rentabilidade com menor risco de prejuízos e perdas. A retirada de capital do setor produtivo, devido a esta onda de pessimismo, somado a outros fatores, contribui para o estrangulamento do mercado produtivo e a consequente redução dos postos de trabalhos. É um círculo vicioso destrutivo.

3-Solução

A maior batalha que travamos em nossas vidas é aquela que travamos pelo controle das nossas próprias emoções. Os Fatos que enxergamos como negativos, alimentam emoções negativas, que por sua vez minam nossa capacidade inventiva, criativa e motivacional. Olharmos para os fatos que nos cercam de forma negativa exaure nossas energias físicas, emocionais e espirituais! Perdemos a capacidade de nos reinventarmos e só conseguimos ver o problema. O primeiro passo para a solução individual é tentarmos descolar a nossa situação individual da situação coletiva, pois, ainda que a situação coletiva se deteriore, temos o poder de, como seres individuais, percebermos oportunidades no meio da crise e criarmos situações favoráveis para nós, onde todos os outros só veem derrota. Somos capazes de transformar crises em oportunidades! Nós tendemos a ver as situações que nos cercam segundo a ótica das nossas emoções. Se estamos tristes e deprimidos, nossos horizontes estarão contaminados por estes sentimentos e serão péssimos. Porém, se dominarmos a nossas emoções e alimentarmos o otimismo, conseguiremos transformar a realidade que nos cerca e vislumbraremos oportunidades onde ninguém foi capaz de ver. Este processo não têm nada a ver com o fato do reino Unido fazer ou não fazer parte da União Europeia.

Desta forma, a minha resposta à pergunta do título é:

Não há impacto significativo na minha vida pessoal, porque eu sou o senhor da minha vida e gestor da minha carreira!

E no seu caso, amigo leitor? Qual o impacto da saída do Reino Unido da União Europeia na sua vida pessoal?

Quer falar sobre este assunto? Entre em contato comigo: jemoeloliveira@gmail.com

HARUKA EURICO NIA OAN BA TRATAMENTU IHA RAI LIUR, PM RUI: LORI MÉDIKU SIRA BA TRIBUNAL


Primeiru Ministru (PM), Rui Maria de Araújo haruka prosesa ba tribunal, mediku sira ne’ebé mak foti desizaun hodi haruka lider pro autonómista, Eurico Guterres nia oan mane, Ronaldo Guterres ba halo tratamentu iha Bali, kuandu la satisfas ho desizaun ida ne’e.

PM Rui Araújo dehan, responsavel sira iha Hospital Nasionál Guido Valadares (HNGV) esplika tiha ona ba públiku katak, buat hotu ne’ebé sira halo ne’e, bazeia ba lei.

“Sé buat ida ne’e kontra lei, ema ne’ebé senti prejudikadu, bele lori kazu ne’e ba tribunal,” dehan PM Rui Araújo ba jornalista sira iha Palácio Prezidénsia Aitarak Laran Dili, Kinta (28/07).

Xefi Governu ne’e haktuir, lei ne’e mós defini ona kritérius atu haruka ema ba halo tratamentu iha rai liur.

“Iha dekreitu lei númeru 9/2010, ne’ebé regula kestoens sira relasionadu ho haruka ema ba halo tratamentu iha rai liur, i grupu médikus iha hospital, tuir lei sira mak iha autoridade para desidi,” Xefi Governu ne’e haklaken.

Nia hatutan, buat ne’ebé mak médika sira halo ne’e, bazeia ba lei, sé ema balun konsidera katak, ida ne’e viola lei, sidadaun hotu iha obrigasaun atu aprezenta keixa.

Xefi Governu ne’e dehan, lei mak regula buat hotu, tanba ne’e, kuandu médiku sira ne’e kontra lei, tenki responsabiliza situasaun ida ne’e.cos

Jornal Nacional

PR TAUR: “HA’U MAK PM, OSAN KO’A HOTU”


Prezidenti Repúblika (PR), Taur Matan Ruak hateten katak, aban bainrua nia mak sai Primeiru Ministru (PM) karik, Orsamentu Estadu kada tinan ne’ebé laiha benefísiu ba povu, nia sei ko’a hotu, no orsamentu ba projetu bo’ot sira ne’e mós sei hamenus.

“Sira ne’ebé la fó ha’u ne’e, sira nia interese saida, sira uza ida ne’e ba polítik? Sira hatene katak, keta aban bainrua ha’u mak sa’e fali, ha’u la fó ba sira karik nusa,” katak Taur Matan Ruak ba jornalista sira iha Suku Faturasa, Postu Administrativu Remexio, Munisipiu Aileu, Kuarta (27/07),  hodi hatan kona-ba lideransa balun ne’ebé husu ba Parlamentu Nasionál (PN) atu hamenus Prezidenti Repúblika (PR) nia orsamentu iha tinan oin, tanba PR Taur utiliza Orsamentu Estadu ba interese seluk.

Taur Matan Ruak hatutan katak, sé Prezidenti nia orsamentu mak sira ko’a tiha mós laiha buat ida, Prezidenti sei la tanis, tanba osan ne’e la’os Prezidenti Repúblika nian.

Xefi Estadu ne’e haktuir, kuandu orsamentu kada tinan ne’e mak Prezidenti Repúblika nia osan privadu, entaun Prezidenti bele rekere, maibé osan ne’e, povu nian.

Tanba ne’e, Taur Matan Ruak husu ba lideransa sira hotu atu labele halo jogu polítika arbiru, tanba osan ne’e, la’os umane no mane foun, ida ne’e liga ba nasaun.

“Sá tan liga ho Prezidenti ida ne’ebé halo funu tinan 24,” Taur Matan Ruak esklarese.

Nia hatutan, povu ho Governu iha relasaun ida ne’ebé do’ok tebes, tanba povu lahatene atu ba ne’ebé lós, no povu nia hanoin ne’e, negativu lós.cos

Jornal Nacional

Lei La Fó Dalan UNTAS Harii Partidu iha TL


Matadalan, editorial

Uni Timor Aswa’in (UNTAS) oras ne’e daudaun hanoin hela atu harii partidu ho naran UNTAS iha Timor-Leste. UNTAS harii ho baze legál saída? Será ke ita nia lei RDTL fó dalan ba sidadaun estranjeiru atu harii partidu iha Timor? UNTAS ne’e iha mahon TL ka Indonézia nia okos?

Sidadaun timoroan iha direitu ba liberdade asosiasaun (partidu polítiku), maibé organizasaun UNTAS ne’ebé hamahon eis timoroan ne’ebé oras ne’e dadaun sai nu’udar sidadaun Indonézia, tanba ne’e lei RDTL la fó dalan ba sidadaun estranjeiru (UNTAS) atu harii partidu polítiku iha Timor-Leste.

Mandatu UNTAS iha kongresu I tinan 2000, fó biban atu rezolve kona-ba rezultadu eleisaun ba referendum 1999 no aselera prosesu rekonsiliasaun entre povu Timor-Leste ho refujiadus iha Indonézia, la’os atu ba harii partidu UNTAS.

Misaun UNTAS nian rasik la susesu tanba to’o agora la konsege realiza rekonsiliasaun totál no ikus liu maka rezultadu kongresu UNTAS ba dala III kontinua la rekoñese rezultadu votasaun referendum 1999 inklui la aseita programa repatriasaun refujiadus mai TL.

Deklarasaun harii partidu UNTAS iha Timor-Leste ne’e hanesan esteitmentu polítika hodi forma opiniaun públika. Legalmente, nunka iha dalan ba UNTAS atu harii partidu iha Timor tanba sira (líder UNTAS) nia estatutu ne’e sidadaun Indonézia ona. Abrasu! (*)

Ha’u Maka Inan, Ha’u Maka Aman


Laloran tasi tahek an, tahek inan doben Esperansa Hornai hosi nia laen kaben Francisco Alves Barretoiha 2016 ne’e, hodi husik hela responsabilidade hotu ba nia laen nia kaba’as.

Francisco Alves Barreto, aman hosi oan nai’n lima (5), feto ha’at (4) no mane ida (1), hasan hela triste bo’ot tanba lakon ona nia feen kaben iha Sabado (7/05/2016) ne’e maibé responsabilidade ba oan sira nian futuru nafatin hatodan no hafanu nia.

Responsabilidade nu’udar aman ne’ebé mak la iha serbisu diak ida ba nia atu halo hodi hetan netik duit metan ruma, ho esforsu an, Francisco nafatin luta hili dalan hatutan nia serbisu hanesan faan sasan iha estrada ninin.

Francisco Alves Barreto hahu faan sasan roda tolu iha estrada ninin hahú iha 2001 maibé estadu sira bandu no hadau sira nia sasan, gerobak soe hotu iha Tasi-Tolu no halo sira tauk ohin loron sira la faan iha estrada laran entaun nia hili dalan faan sasan iha Banku Nasional (BNU), nia portaun oin.

Nu’udar aman Francisco tane a’as tebes oan sira nia futuru, nia hakarak nia oan sira sai susesu, halo nia tuur iha BNU nia oin la senti rai manas, udan no kole.

“Ha’u faan hanesan ne’e tanba ha’u nia oan sira eskola no nia inan mate tiha ona, ne’e mak ha’u senti la diak entaun ha’u mai fa’an sasan iha ne’e para lori sustenta oan sira ba futuru,” dehan Francisco ne’ebé Moris iha Suku Fatumakerek, Laclubar, Munisípiu Manatuto ne’e ho mataben nakonu.

Kareta, motor halo movimentu ba mai halo rai rahun suar sai belun diak ba Francisco. Tuur iha portaun BNU nia oin nahe plastiku metan hodi rai karteira ho modelu oi-oin, sigaru no pulsa iha liman no xapeo iha ulun mak sai netik mahon ba nia.

“Ami mai faan ne’e iha 2001 kedas tanba ita hela iha sidade ne’e tenki han osan, hemu osan. Maibé, ami fa’an netik hanesan ne’e ami lori sustenta ami nia familia no haruka oan sira ba eskola,” nia haklaken ho oin midar ba Jornalista Matadalan, Tersa (19/07/16), iha BNU nia oin.

Loron maske manas, udan no rai rahur maka’as Francisco nafatin tuur hodi haree ba movimentu ema lubun loron ba loron tama sai BNU hanesan  nehek mean forma-án nadodon tama ba banku nia laran hodi hetan doit metan oan ruma.

“Ha’u uluk fa’an roda tolu, sasan sira hanesan bee, minuman sira hanesan bigcola, gres no sasan ki’ik seluk tan ne’e loron ida ha’u hetan $60,00. Maibé agora ha’u fa’an de’it hanesan ne’e loron ida sorte diak ha’u hetan $30,00 lae $40,00 mais sorte la diak, loron ida ha’u hetan $15,00 de’it,” dehan Francisco ne’ebé ho idade 54 ne’e.

Hisik kosar tanba no la senti kole tanba hakarak oan sira sai diak, osan ne’ebé loron ida nia hetan lori ba hola fo’os bah an no foo an sira ba eskola.

“Buat ida la iha entaun ami tenki halo hanesan ne’e ba moris lor-loron nian. Uluk roda tolu ha’u sei kontenti maibé estadu la hanoin ami. Sira mai foti gerobak, sasan sira ne’e lori ba soe ne’e maka ohin loron ami la faan iha estrada ibun no agora ami lori de’it sasan sira hanesan ne’e,” dehan nia.

Moris sempre infrenta dezafiu oi-oin maibé Francisco Alves nia esforsu sei la iha rohan maske ho de’it faan sasan simples maibé nia nafatin luta ba nia oan sira nia futuru. (Júlia)

Matadalan

Koligasaun militar lidera hosi EUA admite vítima sivil iha bombardeamentu


Koligasaun internasionál kontra  grupu ne’ebé hanaran Estadu Izlámiku admite iha ohin vítima sivil foun iha sira nia bombardeamentu ba Irake no Síria fulan hirak ikus ne’e,  ho totál sa’e ba 55 dezde inísiu kampaña ne’e.

Vítima sivil sira hosi bombardeamentu ne’e, dezde agostu 2014, koligasaun ne’ebé lidera hosi EUA só rekoñese hafoin prosessu inkéritu naruk ida. 

Koligasaun ne’e hetan akuzasaun tamba lafó inportánsia ba númeru vítima hirak ne’e.
Tuir  Observatóriu Síriu hosi Direitus Umanus, atake koligasaun Síria hamate ona sivil besik  600, hosi sira ne’e labarik 136 .

Organizasaun laós-governamentál, ho sede moos iha Londres, Observatóriu ne’e moos, estima, hosi nia parte, katak númeru ema sira ne’ebé mate bele to’o  1.500.

SAPO TL ho Lusa

Indonézia halo ezekusaun ba kondenadu haat tanba tráfiku droga


Autoridade indonézia nian sira ohin halo ezekusaun ba kondenadu tráfiku droga nian haat, hosi Indonézia ida no nijerianu haat, maski hetan krítika hosi organizasaun internasionál nomós ativista sira, tuir imprensa lokál fó sai. 

Ezekusaun ba ema na’in sanulu seluk, hosi indonézia, indianu ho pakistanés, adia fali, maibé sei halo fali iha loron hirak tuir mai.

Ezekusaun hirak ne’e halo “la’os atu halakon ema nia moris, maibé halo hodi hapara intensaun at nomós diabóliku ba hahalok tráfiku droga (…) Ezekusaun seluk sei halo tuir etapa”, tenik prokuradór jerál Indonézia, Noor Rachmad. Kumprimentu ba pena kapitál, liu hosi pelotaun fuzilamentu nia, hala’o hafoin iha inisiu 2015 Indonézia halo ezekusaun ba ema 14, inklui Brazil na’in rua, olandés ida no australianu rua.

Prezidente, Joko Widodo, outrora ne’ebé haree hanesan reformista pró direitu umanu, hatudu inflexível no insisti katak sei lafó perdaun ba ema ne’ebé komete iha krimi tráfiku droga.

Nasoins Unidas ho Uniaun Europeia, hanesan mos organism internasionál, husu ba Governu Indonézia atu suspende tiha ezekusaun hirak ne’e, nune’e mos konsidera hanesan moratória ida no tenke halakon pena morte.

Amnistia Internasionál kondena ona iha komunikadu "asaun ladi’ak ne’e" no husu "atu halo kedas suspensaun" ba ezekusaun ne’ebé sei adia.

SAPO TL ho Lusa 

Xina no Rússia sei realiza ezersísiu navál hamutuk iha Tasi parte Sul Xina nian


Xina no Rússia sei realiza, iha setembru, ezersísiu navál hamutuk iha Tasi parte Sul Xina nian, anunsia iha ohin  Ministériu Defeza xinés, hafoin tribunál internasionál deside katak reklamasaun territoriál hosi nasaun ba iha rejiaun ne’e  ilegál.

Smulasaun sei hala’o iha "espasu marítimu no aéreo iha Tasi parte Sul Xina nian", esplika portavós ministériu, Yang Yujun, hatutan tan katak  trata hanesan ezersísiu "rotina", ne’ebé"laeziste hanesan  alvo terseiru nasaun".

Iha  inísiu jullu, Tribunal Permanente de Arbitragem (TPA), ho sede iha Haia, deside ba Filipina no kontra Xina iha kazu disputa territoriál iha Tasi parte Sul Xina nian, maski  Pekin insiste katak  laaseita mediasaun terseiru.

Pekin reklama soberania kuaze Tasi parte  Sul Xina nian hotu, tuir  baze iha liña ida ne’ebé mosu iha mapa xinés dezde 1940, no investe ona operasaun boot iha zona ne’e, transform resife korál ba porto, pista aterrajen no infraestrutura seluk.

Vietname, Filipina, Malázia no Taiwan moos reklama parte balun hosi zona ne’e, hodi hamosu  problema  territorial ho Xina.

Iha  2013, Manila lori  kazu ne’e ba  tribunál internasionál, hafoin remata negosiasaun durante tinan 17 liuhosi dalan  polítika no diplomátika.

SAPO TL ho Lusa

Guiné-Bissau ratifika akordu koperasaun oioin ho Guiné Ekuatorial


Primeiru-ministru Guiné-Bissau nian, Baciro Djá, fó sai ona katak ratifika tiha ona "akordu koperasaun oioin" ho Guiné Ekuatorial, nasaun ne'ebé nia hala'o ona vizita serbisu durante semana ida.

Bainhira nia to'o iha aeroportu Bissau, iha loron-sesta ne'e, Baciro Djá afirma ona katak harii ona posibilidade ba akordu sira rubrikadu sira iha pasadu ho Guiné Ekuatorial sei hahú hala'o iha tempu sira tuirmai.

Akordu ratifikadu sira sei permiti koperasaun entre Bissau ho Malabo iha área ekonómiku, sientífiku, kultural, desportivu no tékniku, hatete hosi dirijente guiniense.

Iha termu konkretu sira, Guiné-Bissau sei hetan apoiu hosi Guiné Ekuatorial ba formasaun, iha tempu badak, hosi ajente seguransa no protesaun hosi autoridade sira hamutuk na'in 50, nune'e mós iha domíniu hidrokarbonetu sira, liuliu iha petróleu ho gás.

Bissau hakarak "hetan esperiénsia" hosi Guiné Ekuatorial liuliu iha área elaborasaun hosi kontratu sira, formasaun no hosi koñesimentu tékniku iha área sira petróleu no gás nian, hatete hosi Baciro Djá, ne'ebé hatete katak hanesan "provável atu Guiné-Bissau iha rekursu rua ne'e".

Iha ona fulan-Agostu, ministru Petróleu no Mina sira hosi Guiné Ekuatorial vizita Bissau no, iha Setembru, tanba okaziaun hosi festa sira independénsia Guiné-Bissau nian, Prezidente Teodoro Obiang Nguema mós sei marka prezensa iha kapital guiniense, hatete hosi primeiru-ministru.

Governu Malabo mós hakarak apoia selesaun futeból Guiné-Bissau nian ba estájiu ida ne'ebé sei halo antes kampeonatu afrikanu ba modalidade nian ne'ebé sei hala'o, iha viziñu Gabaun, iha fulan-Janeiru 2017, hatete hosi primeiru-ministru guiniense.

Hosi Guiné Ekuatorial, Baciro Djá hala'o ona viajen ba Nijéria, ne'ebé asina mós akordu koperasaun oioin no hatete katak hetan ona promesa apoiu nian ba Orsamentu Jeral Estadu nian.

SAPO TL ho Lusa

Rai-hamlaha afeta ema millaun 56 iha nasaun 17 ne’ebé hasoru konflitu internu


Ema millaun 56 resin iha nasaun 17 ne’ebé hasoru konflitu internu, hanesan Giné-Bisau, iha situasaun krize ka emerjénsia alimentár, tuir ajénsia rua Nasoins Unidas nian.

Organizasaun ba Alimentasaun no Agrikultura (FAO) no Programa Alimentár Mundiál (PAM) entrega relatóriu ida iha loron-sesta ne’e ba Konsellu Seguransa ONU nian kona-ba nasaun hitu ne’e no obstákulu ba "esforsu globál hodi halakon nutrisaun ladi’ak" iha mundu.

Ajénsia rua ne’e, ne’ebé iha sede iha Roma, hatete katak situasaun ne’e partikularmente preokupante iha Iémen, Síria, Sudaun Súl, Burundi no iha basia lagu Chad nian.

Besik populasaun metade iha Iémen, ema millaun 14, hasoru situasaun krize ka emerjénsia tanba hamlaha. Iha Síria, ema millaun 8,7 (37% hosi populasaun anteriór iha inísiu funu) presiza ho urjénsia ajuda alimentár, nune’e mós ho ema millaun 4,8 iha Sudaun Súl (40% hosi populasaun).

Iha nasaun sira ne’ebé iha hela prosesu atu sai hosi funu sivíl ne’ebé naruk, hanesan Kolómbia, iha ema millaun mak kontinua hasoru grau inseguransa alimentár ne’ebé aas. Iha rejiaun sira seluk, ema sira ne’ebé hasoru situasaun ne’e reprezenta parte boot hosi populasaun, hanesan akontese iha Burundi (23%), Haiti (19%) ka Repúblika Sentru-afrikana (50%).

Ajénsia sira estima mós katak 80% hosi refujiadu síriu sira ne’ebé dadaun ne’e hela iha Líbanu presiza ajuda alimentár urjente.

Iha mós nasaun balun ne’ebé konflitu internu afeta ho forma signifikativa seguransa alimentár: Repúblika Demokrátika Kongu, Giné-Bisau, Costa do Marfim, Libéria, Mali, Somália, Sudaun, Irake no Afeganistaun.

FAO no PAM destaka katak konflitu internu hanesan mós prinsipál kauza hamlaha tanba destroi kampu kultivu, karau no infraestrutura agríkola, aleinde blokeia merkadusira no obriga dezlokamentu populasaun. Aleinde ne’e, kontribi mós ba propagasaun moras no difikulta asesu governu no organizasaun umanitária ba ema afetadu sira, entre impaktu sira seluk.

SAPO TL ho Lusa

Papa husu perdaun "ba krueldade maka'as" iha mensajen iha livru onra Auschwitz nian


Papa Francisco mantén nonook durante vizita iha Auschwitz, iha loron-sesta ne'e, besik Krakóvia, maibé husik nia emosaun sira hakerek iha livru onra iha kampu konsentrasaun nian.

"Na'i, hanoin ó nia povu, Na'i, perdua krueldade sira ne'e", hanesan liafuan sira ne'ebé nia husik iha livru onra Auschwitz nian.

Papa la'o no tama, mesak no nonook, iha kampu konsentrasaun nazi nian, liuhosi portaun koñesidu ne'ebé iha liafuan sira "Arbeit macht frei" ("Serbisu liberta").

Grupu ida ho sobrevivente polaku, judeu sira no siganu sira, hamutuk na'in 12 inklui violinista Helena Dunicz-Niwinska, ho tinan 101, hein papa.

Sobrevivente ida, Janina Iwanska, ho tinan 86, deklara ona katak "senti komovidu": "Ha'u hatete ba nia katak enkontru ne'e hanesan prezente ida hosi buat tomak ne'ebé maka ha'u hasoru ona. Ha'u nia liafuan sira hetan tradusaun ba papa no nia hamnasa".

Sobrevivente ida seluk, Alojzy Fros, ne'ebé iha fulan-Dezembru sei halo tinan 100, afirma ona katak hakarak ko'alia ho papa kona-ba situasaun iha Europa no kestaun hosi refujiadu sira nian.

Maibé Fros hanoin hela mós terór sira ne'ebé nia haree iha kampu konsentrasaun nazi nian.

"Tempu balun hafoin ha'u to'o, ha'u ba enfermaria. Iha odamatan ida ne'ebé nakloke ituan nia kotuk, ha'u haree isin molik sira no tau hamutuk hanesan ai rahun sira, iha kuantidade ida ho aas metru ida. Hanesan ema sira ne'ebé SS [liman-loos armadu hosi partidu nazi] klasifika ona hanesan ema sira ne'ebé labele serbisu no mate ho injesaun ida iha fuan. Bainhira ha'u taka matan, ha'u haree nafatin imajen ne'e".

Hafoin Francisco diriji ba sela kampu nian ne'ebé saserdote polaku Maximiliano Kolbe mate hamlaha no hamrook iha ema nazi sira nia liman laran hodi salva aman ida.

Vizita ba kampu nazi akontese iha loron hanesan ne'ebé selebra tinan 75 ba kondenasaun mate nian hosi saserdote fransiskanu polaku ne'ebé proklamadu ona santu hosi João Paulo II iha tinan 1982.

Papa vizita mós Auschwitz II-Birkenau, ne'ebé uluk hanesan fatin ne'ebé komboiu sira lori ema deportadu sira ne'ebé haruka kedas ba kámara sira gás no krematóriu sira, iha fatin ne'ebé estermíniu organiza hanesan indústria ida.

Ema katóliku polaku na'in 25, ne'ebé ariska sira nia moris hodi tulun ema judeu sira durante okupasaun nazi nian iha nasaun, ho naran "Justu sira entre Nasaun sira" hosi institutu israelita Yad Vashem, felisita papa no simu ona medalla sira hosi nia pontifikadu.

Ema millaun 1,1 resin maka mate iha Auschwitz-Birkenau, inklui ema judeu europeu hamutuk millaun ida. Ema hamutuk rihun atus resin ne'ebé la'ós judeu, ema polaku sira, ema siganu sira no prizioneiru sira hosi funu soviétiku sira mate iha fatin hanesan. Ezérsitu soviétiku liberta ona kampu iha tinan 1945.

Papa na'in rua, polaku ida ho alemaun ida, vizita ona Auschwitz, antes Francisco: João Paulo II iha tinan 1979 no Bento XVI iha tinan 2006.

Iha inísiu vizita ba Polónia, Francisco hatete katak mundu hasoru daudaun funu mundial datoluk fragmentadu, hodi hanoin mós funu rua ne'ebé akontese tiha ona.

SAPO TL ho Lusa - Foto: Darek Delmanowicz Poland Out/EPA

Executados na Indonésia quatro condenados por tráfico de droga


As autoridades indonésias executaram hoje quatro condenados por tráfico de droga, um indonésio e três nigerianos, apesar da oposição de organizações internacionais e ativistas, informa a imprensa local. 

Outras dez execuções, de indonésios, indianos e paquistaneses, entre outros, foram adiadas, mas deverão ser realizadas nos próximos dias.

As execuções "não se fazem para roubar vidas, mas para parar as más intenções e o diabólico ato do tráfico de droga. (...). As restantes execuções vão ser realizadas por etapas", disse o procurador-geral da Indonésia, Noor Rachmad.

O cumprimento da pena capital, através de um pelotão de fuzilamento, ocorre depois de no início de 2015 a Indonésia ter executado 14 pessoas, incluindo dois brasileiros, um holandês e dois australianos.

O Presidente indonésio, Joko Widodo, outrora visto como um reformista pró direitos humanos, mostrou-se inflexível e insistiu que não terá clemência para os culpados de tráfico de droga.

As Nações Unidas e a União Europeia, entre outros organismos internacionais, pediram ao Governo da Indonésia a suspensão das execuções, assim como considerar uma moratória e avançar com vista à abolição da pena de morte.

Já a Amnistia Internacional condenou, em comunicado, o "deplorável ato" e instou a "suspensão imediata" das execuções adiadas.

SAPO TL - Lusa 

EUA: Trump ganhou a Clinton nas audiências televisivas dos discursos


Washington, 30 jul (Lusa) - Donald Trump ganhou a Hillary Clinton nas audiências de televisão dos discursos que fizeram nas convenções dos respetivos partidos, em que foram oficialmente nomeados candidatos à Presidência dos Estados Unidos da América (EUA) nas eleições de novembro.

O republicano Trump teve 34,9 milhões de pessoas a ouvi-lo pela televisão quando aceitou a nomeação como candidato à Casa Branca. Clinton, do Partido Democrata, conseguiu 33,8 milhões de espetadores, segundo divulgou hoje a empresa de medição de audiências Nielsen.

Os números não incluem aqueles que seguiram as convenções pela transmissão em direto na internet.

As convenções do Partido Republicano e do Partido Democrata decorreram em duas semanas diferentes e ambos os candidatos à Casa Branca encerraram os encontros com discursos proferidos em quintas-feiras à noite.

Já entre segunda e quarta-feira, foram os democratas que conseguiram mais espetadores através da televisão.

Nesses dias, pelo palco da Convenção do Partido Democrata, em Filadélfia, passaram 'pesos pesados' da política norte-americana, como o Presidente dos EUA, Barack Obama, e a mulher, Michelle Obama, o ex-presidente Bill Clinton ou o senador Bernie Sanders, que disputou as eleições internas com Hillary Clinton, para além de figuras do desporto e de estrelas de Hollywood.

MP // MP