Dosente,
aman-inan sira no alunu sira hosi Eskola Portugés iha Díli, Timor-Leste, iha
loron-kinta ne'e apela fali ba Ministériu Edukasaun hodi hakotu ho
"injustisa" hodi obriga estudante sira halo ezame iha kalan tanba
oráriu ne'ebé la hanesan.
Obrigatoriedade
atu ezame nasional sira halo iha oras hanesan halo iha eskola Ruy Cinatti iha
Díli, ne'ebé halo parte hosi sistema portugés, alunu sira tenki halo iha kalan
no hotu iha kalan fahe-rua.
Tanba
ne'e Asosiasaun Aman-Inan sira nian tenki halo petisaun ida hodi haruka ba
Ministériu Edukasaun hodi alerta ba problema ne'ebé seidauk rezolve no insisti
katak iha solusaun iha tinan barak nia laran.
"Kestaun
ba diferensa oráriu, liu oras ualu, hanesan sensivel tebes, tanba obriga alunu
sira hosi eskola ne'e hahú ezame entre tuku 18:00 to'o 23:00, akontese ona
situasaun sira ne'ebé alunu sira hakotu prova iha tuku 01:30 madrugada",
refere hosi petisaun ne'ebé asina tiha ona hosi enkaregadu edukasaun na'in 150
resin.
"Situasaun
ne'e hanesan delikadu no iha relasaun ho rendimentu hosi alunu sira iha ezame
sira no ne'e hanesan reprezenta todan ida iha klasifikasaun final ne'ebé
prejudika liuliu dezempeñu global rasik hosi eskola", sira hatete.
Iha
petisaun subliña mós katak, iha pasadu, hala'o ona ezame sira iha loron sira
ne'ebé iha kalendáriu timoroan nian hanesan loron feriadu nasional sira, iha 20
no 26 fulan-Maiu.
"Komisaun
hosi Aman-Inan no Enkaregadu sira Edukasaun nian, tuir dalan ne'e, hakarak husu
realizasaun ezame final sira iha loron no oráriu sira ne'ebé konsidera adekuadu
ba kontestu ne'ebé eskola iha", refere iha petisaun ne'ebé diriji ba
ministru Edukasaun portugés, Tiago Brandão Rodrigues.
Apelu
barak husik ona iha loron-kuarta ne'e durante enkontru ida ne'ebé profesór sira
no membru sira hosi komunidade portugés nian iha Díli mantén ho sekretária
Estadu ba Sidadania no Igualdade, Catarina Marcelino.
"Hanesan
inkomprensivel atu alunu ida iha Timor halo ezame iha kalan fahe-rua. Sira
hatete mai ha'u katak sekretáriu sira Estadu nian ne'ebé mai iha ne'e fila ho
kompromisu katak sei muda buat ne'e. Maibé sira to'o iha Singapura haluha
situasaun ne'e", afirma ona hosi Acácio de Brito, diretór hosi Eskola
Portugés, iha loron-kuarta ne'e.
Kompromete
ona atu ko'alia asuntu ne'e ho governante ruma ne'ebé vizita Timor-Leste, to'o
hetan rezultadu hosi kestaun ne'e, nia konsidera kestaun hosi ezame sira
"fásil tebes hodi rezolve" no "lalika fó tan serbisu" ba
IAVE, Institutu Avaliasaun Edukativu ne'ebé hanesan responsável halo ezame
nasional sira.
"Tenki
halo prova tolu: ba sistema normal, ba atleta sira kompetisaun aas no ba
situasaun esepsional sira. Timor bele sai hanesan situasaun esepsional. No
situasaun ne'e bele rezolve hosi ohin to'o aban", nia afirma.
"Ha'u
apela atu trata asuntu ne'e, hodi justisa nia naran. Rezultadu sira hosi alunu
sira ne'e bele di'ak bainhira ita halo alterasaun", nia hatete no diriji
ba Catarina Marcelino.
Sekretária
Estadu afirma ona katak maski área edukasaun la'ós hanesan nia responsabilidade
maibé nia sei hato'o mensajen ne'e ba responsável.
"Kestaun
hosi ezame sira ne'e hanesan absurdu no ema ida ho persepsaun mínimu katak
hanesan siklu biolójiku ida hatene katak laiha sentidu ruma halo labarik sira
iha eskola ida halo ezame iha kalan fahe-rua", nia hatete.
"Ha'u
la hatene tansá maka labele rezolve tanba iha solusaun ida", nia hatutan.
SAPO
TL ho Lusa
Sem comentários:
Enviar um comentário