Halao Manifestasaun Reklama Direitu Laos Ofende Ema Nia Dignidade

DILI - Timor Leste (TL) halao manifestasaun hasoru Australia hodi reklama TL nia diretu ba Fronteira Tasi Timor, laos atu ofende ema nia dignidade.

Lia hirak nee hatoo husi Direitur Ezekutivu Asia Justice And Rights (AJAR) Jose Luis de Olivera, ba STL iha nia knar fatin Farol, Dili, Kuarta (30/03/2016).

Asaun maifestasaun foin dadauk nee, hau rekuinese katak eziste duni ita nia maluk balun hasai lia fuan balun neebe ofende ema nia dignidade, tamba nee ita bele dehan katak nee lalos, husi intensaun manifestasaun nee, neebe ohin hau dehan manifestasaun nee atu reklama ita nia diretu laos halo manifestasaun atu ofende ema nia direitu, tamba nee ita tenki kumprende ida nee. Buat neebe akuntese nee fora de kontrolu, ema sira neebe organiza manifestasaun nee, sira organiza nee hakas aan ona atu oinsa orenta manifestante sira, ba halo asaun neebe maka pasefika, asaun neebe etika no asaun neebe solidariu, maibe iha balun ofende ema direitu,” hateten Jose Luis.

Nia mos hatutan sira hare katak halo asaun nee mos sira konvida reprezentante husi sidadaun Australianu, hanesan Bispu husi Melbourne no povu husi Australia, tamba nee TL tenki iha etika katak reklama direitu laos atu ofende ema nia direitu, se ofende nee lalos ona.

Iha parte seluk Vice MNEK Roberto Soares hateten TL halao maifestasaun hasoru Australia konsege hatudu opiniaun povu TL, luta atu asegura nafatin ninia soberania. Informasaun kompletu iha STL Jornal no STL Web, edisaun Kinta (31/3/2016). Joao Anibal

Suara Timor Lorosae