quinta-feira, 31 de março de 2016

TAUR TRAUMA XANANA DEVOLVE MEDALLA

TAUR TRAUMA XANANA DEVOLVE MEDALLA


MAUBARA - Prezidente Repúblika (PR), Taur Matan Ruak, hatete, trauma bainhira eis Komandante da Luta Libertasaun Nasionál, Kay Rala Xanana Gusmão entrega hikas medalla ordem Kollar hosi estadu.

“Horibainhira maun Xanana entrega nia medalla ha’u trauma loos imi entrega fali imi nian ne’e...! Maibé medalla ne’e ita nia oan sira dehan laiha folin,” Prezidente, Taur Matan Ruak hatete  liu hosi diálogu komunitária iha suku Viviquini, postu administrativu Maubara, munisipiu Likisa, Tersa, (29/03) bainhira xefe estadu hato’o problema kona-ba veteranus nian sobre veteranus balun ne’ebé simu pensaun no balun simu de’it medalla rekoinesimentu.

Xefe estadu hatete , lei ba veteranus nian ne’e governu mak halo tanba ne’e banhira lei ne’e sei vigor mak ema hotu tenki kumri lei refere.

“Lei ne’e halo iha primeiru governu konstitusional, agora ne’e ita implementa lei,”dehan PR Taur.

Prezidente hatete , problema veteranus ne’e problema nasionál tanba ne’e veteranus sira mak tenki hamutuk hodi rezolve problema sira ne’e.

Durante diálogu komunitária, veteranus sira hato’o kona-ba problema veteranus nian liu-liu lei ne’ebé mak regula veteranus sira hodi hetan pensaun veteranus nian.

Antonio Oliveira Moniz hanesan veteranu husu ba xefe estadu oinsá  mak bele kontrola osan veteranus nian tanba dala barak veteranus sira simu tiha osan gasta saugati de’it.

Estadu presija akompaña gastus sira ne’e hodi nune’e bele investe hikas iha area seluk ne’ebé mak bele sustenta fali estadu no veteranus sira iha futuru.

“Estadu ladun kontrola ba osan sira ne’ebé mak lakon ba veteranus sira tanba osan veteranus sira ne’e la produtivu,”dehan nia.

Nia mós husu ba governu atu bele hadi’ak sistema sira hodi nune’e bele tau matan ba veteranus hotu ho di’ak.(dgx)

Timor Post
PD KONKORDA DIVORSIU HO CNRT

PD KONKORDA DIVORSIU HO CNRT


DILI - Partidu Demokrátiku (PD) haruka ona karta resposta ba Partídu CNRT (Congresso Nacional da Reconstrução de Timor) iha loron 22 Marsu 2016 katak PD konkorda divórsiu ho CNRT.

“Sira (PD) nia karta ne’e hatete , primeiru dehan simu katak konkorda ho desizaun ne’ebé CNRT foti, depois opsaun ikus maka hakarak diálogu,” membru bankada CNRT, deputadu Arão Noe de Jesus informa ba jornalista sira iha Parlamentu Nasionál (PN), Kuarta (30/3).

Nia hatutan diálogu ne’e sira (PD) hakarak diálogu ho prezidenti partidu la’os ho partidu. Tanba sira (PD) nia pedidu ne’e ba prezidenti atu diálogu ho sira hosi Komisaun Polítika Nasionál.

“Agora ida ne’e buat seluk ida. Agora, sé husu para diálogu  ho partidu entaun bele halo diálogu ho partidu. Maibé, sé husu ba prezidenti, ne’e prezidenti partidu nia kompeténsia para halo ka la’e diálogu ne’e,” Vise Prezidenti Komisaun A PN ne’e esplika.

Iha fatin hanesan, Deputadu Duarte Nunes, nu’udar mós Segundu Vise Sekretáriu Jerál Partidu CNRT reforsa tan katak karta PD nian ne’ebé CNRT simu ona ne’e, sira (PD) husu atu halo diálogu ho Prezidenti Partidu.

Nia dehan katak ba dau-daun ne’e seidauk iha diálogu entre PD ho CNRT tanba Prezidenti Partidu foin fila hosi rai liur.

“Prezidenti foin to’o  horsehik (horibainrua-red). Keta sira diálogu ona iha fatin ruma karik ami seidauk hatene. Ne’ebe, ami hein de’it keta iha diálogu ona horikalan karik, orsida karik depois maka ita haree nia rezultadu diálogu ne’e,” Nunes informa ba jornalista sira iha Parlamentu Nasionál (PN), Kuarta (30/3).

Enkuantu, membru bankada Partidu Demokrátiku (PD), Deputadu Virgílio Hornai hatete , kontiudu karta ne’ebé PD intrega ba CNRT maka atu husu diálogu para bele inteira malu.

“Ha’u hanoin resposta hosi PD nian ba iha karta ne’ebé haruka hosi partidu CNRT, haruka tiha ba ona. Nafatin katak PD ninia karakter maka buat ida kualker problema, kualker dezentendimentu ruma ne’e tenkeser liu hosi diálogu,” Virgílio informa ba jornalista sira iha Parlamentu Nasionál, Kuarta horsehik.(jos)

Timor Post
PN Husu Kombate Aktu Parpol

PN Husu Kombate Aktu Parpol


DILI - Representante povu iha uma fukun Parlamentu Nasional (PN) preokupa hahalok Partidu Politiku (Parpol) balun, neebe utiliza organizasaun artemarsial hodi halo konsolidasaun iha munisipiu sira. Tanba nee PN husu atu kombate.

Tuir Xefe Bankada FRETILIN, Aniceto Guterres hateten katak, se hakarak halo demokrasia mak prontu atu konkore, se manan sei goja se lakon tenke simu realidade. Tanba nee la presiza tauk atu lakon.

Se uza artemarsial nia intensaun atu ameasa ema para ema vota ba nia ka oinsa, satan eleisaun sei dook. Nee politika ida nee liga ho situasaun politika aktual tanba lakon fatin ka kargu ruma entaun ita komesa uza ita nia apoiantes nee para atu halo azneras,” dehan Aniceto ba jornalista iah PN, Kinta (31/03/2016).

Deputadu nee haktuir, politiku sira sempre uza maneira hotu-hotu menghaluskan cara ate hakarak uza forsa, uza violensia, halo disturbi depois kontra tan lei no orden nee tenke kombate se hakarak rai nee lao tuir pronsipiu no valor demokrasia nian.

Iha sorin seluk, Xefe Bankada Frente-Mudansa, Jose Luis Guterres hateten katak, partidu politiku sira neebe uza forsa hodi influensia povu, liu husi utilizasaun organizasaun artemarsial iha eleisaun povu mak sei julga. Informasaun kompletu iha STL Jornal no STL Web, edisaun Sesta (1/4/2016). Raimundo S. Fraga

Suara Timor Lorosae
Eleitu Ba Prezidente KI, Virgilio: “Hau La Husik Lafaek Tata Jornalista”

Eleitu Ba Prezidente KI, Virgilio: “Hau La Husik Lafaek Tata Jornalista”


DILI – Konsellu Imprensa iha ona ninia Prezidente rasik maka Virgilio da Silva Guterres, neebe mak sei lidera Konsellu Imprensa durante periodo tinan 2016 too 2020.

Depois eleitu ba Prezidente Konsellu Imprensa, Virgilio da Silva Guterres, liu husi deskursu neebe mak halao iha edifisiu Konsellu Imprensa (eis edifisiu CNE) Balidi Kinta (31/03/2016) hatete sei halo servisu ho responsabilidade, no sei defende jornalista sira wainhira jornalista hetan problema tuir lei haruka.

Hau agradese tebes ba knar neebe mak fo ami hau no ida nee hanesan responsabilidade neebe mak boot no sei lori Konsellu Imprensa nee ba oin maibe hau persija imi hotu ninia apoiu no hau mos sei la husi atu Lafaek (lei komonikasaun social) atu tata jornalista sira tanba nee ita hotu sei esforsu hodi luta atu Lei Komonikasaun Social nian labele kona jornalista sira wainhira jornalista halo sala,” dehan Virgilio.

Prezidente eleitu Konsellu Imprensa nee hatutan sei hamutuk ho nia kolega sira seluk neebe mak eleitu ona hodi reprejentante nain ba Media, Jornalista nomos PN atu luta mos ba diretu jornalista, liu-liu konaba salary inklui mos sei kria planu hodi kapasita jornalista sira liu husi formasaun oin-oin neebe mak persija.

Iha fatin hanesan Sekretaiu Estadu Komonikasaun Sosial, Nelio Izac Sarmento, hatete lori Governu nia naran fo parabens no konfiansa tomak ba Konsellu Imprensa hodi bele garante liberdade imprensa iha rai laran. Informasaun kompletu iha STL Jornal no STL Web, edisaun Sesta (1/4/2016). Thomas Sanches

Suara Timor Lorosae
Povu Kbiit Laek, Lakoi Hela Iha Uma MDG

Povu Kbiit Laek, Lakoi Hela Iha Uma MDG


MAUBARA - Povu kbiit laek balu husi Postu Administrativa Maubara, Municipiu Liquisa, lakoi hela iha uma MDG’s neebe Governu offrese, tamba kondisaun uma nee ladun sufsiente ba sira.

Miguel da Costa hanesan komunidade suku Lissadila hatete, uma MDG nee planu husi eis Primeiru Ministru Xanana Gusmao neebe halo hela uma 300, foin dadauk 2015 Sekertariu Estadu Miguel Manutelo mak entrega ba benefisiariu 300, maibee too ikus tamba hare ba uma nia distansia neebe ladun luan, ema lubuk ida  fila fali ba sira nia fatin.

Ita nia komunidade kbiit laek balu,deside fila fali ba sira nia hela fatin,tamba uma nee  nia pondasi laiha,depois sentina mos laprimiti atu ema uja iha tempu naruk,”dehan Miguel, bainhira PR Taur halo dialogu ho komunidade sira iha suku Lissadila, Postu Administrativa Maubara, Municipiu Liquisa, Kuarta (30/03/2016).

Iha fatin hanesan Presidente Republika Taur Matan Ruak hatete, husu at benevisiariu sir abele hela iha uma nebe prepara ona, no wainhira ADN fila fali mai maka sira bele levanta problema nee hamutuk ho autoridade sira para buka solusaun. Informasaun kompletu iha STL Jornal no STL Web, edisaun Sesta (1/4/2016). Carme Ximenes

Suara Timor Lorosae
PN FISKALIZA AEROPORTU SUAI ATINJI 43%

PN FISKALIZA AEROPORTU SUAI ATINJI 43%


Komisaun E Parlamentu Nasional (PN)ba asuntu, Infra-estrutura, Transporte no Komunikasoens,  Kuarta (30/03/2016), halo fiskalizasaun direita ba konstrusaun Aeroportu Internasional Suai ne’ebe nia progresu fiziku atinji 43%.

Antes fiskalizasaun, Komisaun E hala’o uluk enkontru ho Administrasaun Munisipiu Suai, José Pina Carsozu hodi rona informasaun balun.

Xefi delegasaun, deputado Paulino   Monteiro dehan, PN liu husi komisau E hanesan orgaun fiskalizador ida ba iha area infraestruturas nian, ne’ebe sira iha kompetensia tomak hodi mai hare infraestruras hanesan projetos sira ne’ebe mak implementa husi Governu ho osan Estado.

Hafoin enkontru delegasaun komisaun E akompanha dereita ho Administrador Munisipiu ho mos ekipa tekniku balun hakat ba iha konstrusaun aeroportu hodi hare dereita progresu fiziku ne’ebe mak iha.

Xefi delegasaun kolmisaun E, deputado Paulino Monteiro hateten, tuir informasaun ne’ebe mak sira simu katak iha buat barak mak ninia progresu ne’e la’o diak.

“Ami reprezenta povu mai hare dereitamente progresu fiziku ita nia  aeroportu ne’e, los duni ita hare iha buat barak mak la’o diak tebes, kompara ho informasaun sira ne’ebe mak ita tur deit rona husi parte balun, tanba antes simu informasaun katak alkatraun ne’ebe mak fui iha kampu ne’e ninia kekebalan 10, deit mas na realidade to’o 20, ami  hare tuir estandar internasional,” hateten Deputado Paulino Monteiro.

Deputado Bankada Partidu Demokratiku (PD) ne’e hatutan, maske sei falta buat balun mak tenke rezolve, maibe konstrusaun kualidade diak tebes, tanba tuir padraun internasional.

“Preokupasaun ida importante liu maka oinsa muda populasaun sira hodi hamamuk fatin refere atu nune’e kontrusaun bele la’o tuir tempu ne’ebe mak determina ona iha kontratu nia laran, maibe atu rezolve problema ne’e ministeriu relevante maka tenke tur hamutuk ho ita nia komunidade sira hodi hetan solusaun,” dehan Paulino.

Tuir reprezentante povu ne’e katak, problema ba konstrusaun ne’e laiha, maibe oinsa maka atu muda komunidade sira ho dignu hodi nune’e labele mosu problema iha loron ikus mai.

Iha fatin hanesan, Administrador Munisipiu Covalima, Jose Pina Cardozu, realsa tan, konstrusaun aeroportu durante ne’e autoridade lokal kordena diak tebes ho Governu no mos kompanhia sira rasik hodi buka solusaun ba iha problema sira ne’ebe mak iha.

“Ami durante ne’e linha kordenasaun diak tebes tantu husi Governu no kompanhia sira sempre mai kordena ho hau, konstrusaun la’o diak tebes, maibe iha problema oitoan maka ita nia komunidade sira nia uma, maibe ami tur hamutuk hodi rezolve ona, ne’ebe oras ne’e dadauk familia uma kain rua nulu resin lima mak muda ona ba hela iha uma ne’ebe mak prepara husi Estado,” dehan Administrador ne’e.

Lideransa masimu Munisipiu Covalima ne’e dehan tan, antes ne’e komunidade sira ne’ebe afetadu konstrusaun ne’e ulun fatuk to’os atu sai, maibe depois autoridade lokal hamutuk ho Governu central tun dereitamente hodi halo dialogu esplika katak dezenvolvimentu mak hanesan ne’e duni no ninia benefisiu ba duni komunidade, tanba ne’e maka sira ho bontade hodi kopera.

“Problema balun hanesan rate komunidade nian, antes ne’e identifika iha rate hamutuk 164, maibe ke’e tiha mate ruin sira ne’e sura afinal iha 311, tanba rate ida la’os ruin ema ida nian deit, maibe rua ka tolu, agora dadauk hela deit ona rate sia mak seidauk ke’e, mais promete katak semana ne’e nia laran bele ke’e hotu ona,” Jose sublinha.

Nia dehan, restus mortais  sira ne’e antes rai hamutuk iha Osuario Munisipiu Covalima nian, maibe agora dadauk komisaun rekolhamentu restus mortais la’o hela entaun muda fali ruin hirak ne’e tau iha rate foun ne’ebe mak komisaun prepara iha munisipiu rasik.

 Direktur projeck Managemen Unit (PMU) Aeroporto Suai, Fernando Carvalho Cruz, esplika tan katak, nia hanesan reprezentante Governu mai akompanha projeto konstrusaun aeroportu Suai ne’e nian to’o remata.

“Progresu konstrusaun fiziku aeroportu ne’e nian atinji 43 %, tuir lolos data finalidade iha kontratu ne’e iha fulan Fevereiro 2016, maibe tanba problema rai no rate komunidade sira nian maka extende oitoan to’o fulan Maiu 2017,” dehan Direktur PMU ne’e.

Reprezentante Governu ne’e dehan, buat hot-hotu ne’ebe mak halo hot-hotu tuir ICAO, tanba koalia kona ba ICAO katak seguransa ba avião, tanba ne’e presija ninia kualidade diak.

“Kona ba problema ne’ebe ami hasoru ami iha ekipa ida ne’ebe mak mai husi Timor Gap serbisu hamutuk ho administrador no katuas adat sira hodi rezolve fatin sira ne’ebe afetadu, parte Governu nian fo indeminizasaun,”  nia hatutan.

Dau-daun ne’e dadauk trabalhador sira kontinua hala’o serbisu akompanha mos husi tekniku profesional kompanhia nian. Iha vizita segundu ogaun soberania nian ne’e hetan esplikasaun diak no kualidade tebes husi tekniku kompanhia nian.

Konstrusaun ba aeroportu Suai gasta orsamentu hamutuk U$D 67.691.189,19, konstroe husi kompanhia Internasional WASKITA Karya.

Delegasaun komisaun E ne’ebe halo fiskalizasuan iha Suai, kompostu husi Xefi Delegasaun Deputado Paulino Monteiro, Francisco Andrade no deputado Manuel Saores ho tekniku. mia

Jornal Nacional
ME ANTONIO TAMA DEREPENTE HNGV

ME ANTONIO TAMA DEREPENTE HNGV


Ministru Edukasaun (ME), Antonio da Conceição, Kuarta (30/3) kalan tama iha Hospital Nasional Guido Valadares (HNGV), hodi hala’o tratamentu ba nia saude tanba moras derepente.

Nune’e tratamentu saude ba Ministru Edukasaun Antonio da Conceição iha HNGV ba loron Kinta (31/3/16) nian, Primeiru Vise ME Dulce de Jesus ho Segundo Vise ME, Abel da Costa Ximenes hala’o kedas vizita ba HNGV hodi haree besik nia kondisaun saude.

Iha Vizita ne’e Primeiru Vise ME, Dulce de Jesus hateten,  ME Antonio da Conceição mai halo tramentu saude iha HNGV ne’e tanba nia moras.

“Ha’u ho Vise Ministru ami mai vizita Ministru Edukasaun iha HNGV ne’e tanba nia moras oituan,”informa Dulce de Jesus ba Jornalista sira iha HNGV, hafoin remata vizita ME Antonio da Conceição iha HNGV,  Kinta (31/3/2016).

Vise ME Dulce dehan, Ministru Edukasaun Antonio da Conceição atu fila ba uma  ne’e depende ba rezultadu  teste husi mediku sira oinsa.

“Ohin (horseik) sei halo teste, no tuir Mediku especialista sira hatete rezultadu diak  orsida lorokraik (horseik) fila ona  ne’ebe agora dadauk Ministru Edukasaun iha Kuartu VIP numeru ,”dehan Dulce. Nune’e iha tentativa ne’ebe JN-Diário halo hodi konfirma ba Diretor Klinika  HNGV kona ba kondisaun saude ME Antonio nian ne’e nia progresu oinsa ona, maibe infelismente Direto Klinika HNGV ne’e laiha fatin. car

Jornal Nacional
CWS-TL FO FORMASAUN PREVENE HIV-SIDA BA F- FDTL

CWS-TL FO FORMASAUN PREVENE HIV-SIDA BA F- FDTL


Program Manager CWS TL. Odete Peloy informa katak  Church World Service Timor-Leste (CWS-TL) nia programa  durante ne’e fo formasaun ba Forsa Defeza Timor-Leste (F-FDTL) konaba  prevensaun moras HIV- SIDA iha instituisaun F-FDTL.

CWS fo formasaun HIV- SIDA ba institusaun F-FDTL  ho razaun tanba forsa armada hanesan risku ba transmisaun HIV- SIDA.

“Programa ne’ebe ami hala’o halai liu ba hasae  kapsitasaun ba F- FDTL liu- liu ba moras HIV- SIDA tanba ho razaun ida forsa hanesan risku ba transmisaun HIV- SIDA tanba ninia movimentu servisu muda ba mai dala barak liu husi fronteira, sira dala barak husik hela sira nia parseiru hanesan fen, oan entaun sira ba hela fatin dok barak iha tentasaun ida ne’e mak ami dehan sai hanesan risku depois sira mos iha osan sira bele asesu ba sex livre. Ho ida ne’e bele sai risku ba transmisaun HIV- SIDA tanba ne’e formasaun prevensaun  HIV- SIDA ne’e imoprtante ba sira,”informa Program Manager CWS Odete Peloy ba jornalista sira iha nia servisu fatin  Nu’u Laran Bairo dos Grilhos Dili Segunda (28/3/2016).

Odete esplika tan husi tinan 2010 to’o agora 2016  formasaun no kapasitasaun ne’ebe CWS fo ba F- FDTL sira mak halai  liu ba formasaun  TOT ba forsa rasik atu nune’e sira sai treinador hodi hatutan informasaun HIV- SIDA ba sira nia membru F- FDTL nomos sira nia familia.

Nia esplika tan, CWS durante ne’e servisau hamutuk ho Ministeriu saude fo apoiu ba klinika Metinaro para mediku F- FDTL Metinaro bele  halo testu rasik ba sira nia membru F- FDTL.

Tuir dadus Ministeriu Saude hatudu katak, kazu numeru HIV- SIDA sae ona ba 552 no mate ona 89  ne’e  signifika katak, sosializasaun informasaun ne’e ema barak mak asesu ona informasaun entaun sira hodi sira nia aan ba halo teste.

“ Sim Timor- leste kompara ho nasaun seluk ita nia kazu HIV- SIDA ninia prevalensia numeru ki’ik tanba ne’e ita presiza fo informasaun nafatin ba ita nia komunidade sira,”dehan Odete.

Kombate moras HIV- SIDA, Odete dehan,  ema hotu- hotu tenke esforsa an halo prevensaun agora  tanba aimoruk atu kura moras HIV-SIDA ne’e laiha.car

Jornal Nacional
ESTADU NAKLOKE DEMAIS, MORAS HIV/SIDA BURAS IHA TL

ESTADU NAKLOKE DEMAIS, MORAS HIV/SIDA BURAS IHA TL


Povu konsidera moras HIV/SIDA ne’ebé mak agora dada’uk buras iha Timor Leste ne’e, tanba Estadu nakloke demais ba buat hotu, no lei Timor Leste nian mós la forte.

“númeru moras ida ne’e komesa sa’e ba bebeik, ida ne’e tanba saida, tanba ita nia nasaun nakloke demais. Ita nia nasaun nakloke ne’e, lei mak mak fraku ka, oinsa,” katak Alito Monis bainhira dialogu ho Prezidente Repúblika Taur Matan Ruak iha Suku Watubou, Postu Administrativu Maubara, Munisipiu Liquiça, Segunda (28/03).

Tanba ne’e, nia husu ba Estadu atu buka solusaun ba moras ida ne’e, tanba moras ida ne’e ameasa futuru joven sira nian, tanba joven mak futuru nasaun nian.

Alende ne’e, komunidade Manuel Gardoso mós hatete katak, Governu tenke buka meus ba moras ida ne’e.

“Ami hadomi tebes ami nia oan sira, ami iha moral atu eduka no lori ami nia oan sira ba dalan diak.Ukun nain sira bele fó fórsa ida ba inan aman hanesan baze legal ida atu eduka ami nia oan sira,” katak nia.

Maibé nia dehan, Governu fó fali buat seluk katak, bainhira oan sira tama ona iha idade joven, Goveru hasai fali lei ida katak, sira oan sira iha liverdade ka libre, ida ne’e mak preokupasaun bo’ot ba povu.

Hatan ba preokupasaun ne’e, Prezidente Repúblika, Taur Matan Ruak esplika katak, Buat ne’ebé mak di’ak, entaun bele halo tanba sei hetan buat ida, maibe buat ne’ebé ladi’ak, la persija lei ida, tanba buat ne’e ladi’ak duni ba nasaun no futuru oan sira nian.

“Ita nia nasaun ne’e nakole demais ne’e, nakloke ba buat diak, la’os nakloke ba buat ne’ebé mak atu estraga ita no ita nia nasaun. Ita hili buat ne’ebé di’ak, buat ne’ebé ladi’ak, labele hili, li-liu ba ita nia oan sira, ida ne’e edukasaun ida ne’ebé mai husi ita nia uma laran,” katak Taur Matan Ruak.

Taur Matan Ruak fó ezemplu katak, bibi mala’e ne’e lahanesan ho bibi Timor, taba bibi Timor ema duni nia halai ona, maibé bibi mala’e duni la halai ida.

Alende ne’e, reprezentante Komisariu Komisaun Nasionál Kombate HIV/SIDA, hatete katak, númeru moras HIV/SIDA iha Timor Leste agora sa’e maka’as ona.

“Iha ita nia nasaun Timor Leste agora ne’e, ema sira ne’ebé mak kona ona virus HIV/SIDA hamutuk 552, no ema nain 62 mak mate ona,” dehan nia.cos

Jornal Nacional
POVU LA KONTENTI HO POLÍTIKA PODER LOKAL – PR TAUR HAKARAK MUDA

POVU LA KONTENTI HO POLÍTIKA PODER LOKAL – PR TAUR HAKARAK MUDA


Povu la kontenti ho polítika poder lokal, tanba poder lokal ne’e, autoridade lokal sira laiha poder iha sira nia Munisipiu no sira nia Postu Administrativu rasik.

Jaimito da Silva husi Suku Vaviquinia, Postu Administrativu Maubara, Munisipiu Liquiça lamenta katak, kuandu hanesan ne’e, autoridade lokal laiha funsaun iha nia Munisipiu rasik.

 “Ami haree katak, poder lokal ne’e iha, maibé autoridade lokal sira laiha poder atu ukun iha nia Munisipiu ka nia postu Administrativu rasik,” relata Jaimito bainhira dialogu ho Prezidente Repúblika (PR) iha Suku refere, Tersa (29/03).

Alende ne’e, Jaimito mós afirma katak, haree ba eskola tekniku professionál agora iha Timor tomak, Governu seidauk loke. Tanba ne’e nia husu ba Governu atu bele loke ona eskola tekniku professional para joven sira bele aprende buat ruma, selae ema husi estranjeiru mak mai okupa hotu servisu iha Timor Leste.

Iha fatin hanesan, komunidade João Britas mós akresenta katak, Suku Vaviquinia, asesu ona ba estrada, maibé iha Aldeia lima iha Suku refere seida’uk asesu ba estrada.

“Povu iha Aldeia lima ne’e,  sira labele lori sira nia produtu atu mai fa’an, tanba estrada at tebes,” katak nia.

Hatan kona-ba preokupasaun ne’e, Prezidente Repúblika Taur Matan Ruak hatete katak, Poder lokal ne’e, tuir buat ne’ebé autoridade lokal sira bele halo, tanba sira depende liu ba Governu lokal no Governu sentral.

“Ha’u horibainhira iha Parlamentu Nasionál ha’u kritika katak, poder lokal ne’e, manu mak moris uluk ga, manu tolun mak moris uluk. Maibé ida ne’e labele sai nafatin hanesan ne’e, tenke muda, tanba dezenvolvimentu Suku nian, Xefe Suku sira depende ba programa PNDS, PDID, no PDD,” katak Taur Matan Ruak.

Konaba estrada ba Adeia lima laiha ne’e, Taur Matan Ruak dehan, la’os iha Suku Maubara de’it, maibé Aldeia tomak iha Timor laran tomak estrada laiha. Taur Matan Ruak afirma, kona-ba hanoin atu hari’I eskola tekniku vokasional ne’e, nia sei informa ba Governu, tanba ida ne’e ideia di’ak.cos

Jornal Nacional
PN PREOKUPA BIS HALAI KALAN – AJUDANTE APROVEITA

PN PREOKUPA BIS HALAI KALAN – AJUDANTE APROVEITA


Parlamentu Nasional (PN) preokupa tebes ho transporte publiku, liu-liu bis ne’ebe mak serkula iha tempu kalan, tanba iha tempu kalan nakukun maka ajudante sira aproveita situasaun hodi lamas pasajeiros sira.

Membru PN husi Bankada CNRT, Jacinto R. Viegas, fo sasi nkatak, bus sira ne’ebe halai kalan li-liu diresaun Dili-Maliana, baku fila bei-beik no pior liu tan ajudante sira mos aproveita situasuan nakukun hodi lamas ema nia oan feto sira.

“Bus sira ne’ebe halai kalan se bele bus diresaun Dili-Maliana labele halai kalan, tanba baku fila bei-beik, kalan sai husi Dili to’o ba maliana dadersan fila kedas mai Dili dala ruma iha rai tetuk mos bele baku fila, tanba matan dukur. Depois sofer sira bok ema nia bok ema nia fen to’o ema balun ema baku to’o inus ran mos sei nafatin, ita tenke prevene se lae ema bele oho malu,” hateten deputado Jacinto R. Viegas liu husi sesaun plenaria iha PN, Tersa (29/03/2016).

Reprezentante povu ne’e husu bus sira ne’e labele halai kalan no halai mak loron deit, tanba iha bus lubuk ida mak sempre baku fila bei-beik iha tempu kalan.

“Realidade ami hare katak bus barak mak baku fila ona hanesan iha Karimbala, pior liu mak baku fila iha Maubara iha rai tetuk, tanba ne’e maka hau husu ba ministeriu kompetente atu bolu atensaun ba sira, bus sira ne’e PNTL iha Maliana tahan tiha ona lubuk ida maibe kontinua nafatin, tenke fo sansaun forte, la’os atu bandu mas tenke prevene tanba tula ema la’os tula ai no fatuk,” deputado bankada CNRT ne’e salienta.
Deputado Vicente mos preokupa ho kondisaun estrada iha Municipiu Maliana vila nian ne’ebe mak oras ne’e kuak barak ona.

“Estrada iha Municipiu Bobonaro li-liu iha Maliana vila, kuandu latau atensaun husi Governu maka nei-neik kareta sei mout iha vila laran, tanba kuak ne’e barak liu ona, foin dadauk igreja mobiliza hodi husu kontribuisaun ba emprezario lokal sira hodi taka estrada kuak sira ne’e, ne’ebe favor ida Governu bele hare, se lae ita koalia dezenvolvimentu hahu husi baze mais bele hare mos ba municipiu sira,” dehan Nia.

Iha parte seluk, deputado ne’e preokupa mos pasoal saude ne’ebe mak husi Ministeriu Saude (MS) destaka ba iha Hospital Referal Maliana nian.

“Foin dadauk iha semana santa hau ba maliana ne’ebe hau moras hau ba konsulta iha hospital, iha fatin ne’ebe pasiente baixa ba kalan iha infermeira ida deit hodi kontrola, ne’ebe defisil teb-tebes kuandu nia matan dukur ida hein moras ne’e mos matan dukur soru maran entaun moras ne’e tenke ba ona, ne’ebe se bele ministeriu saude hare tok tau tan pesoal balun iha ne’eba hodi troka malu,” sublinha Jacinto. mia

Jornal Nacional
Konsellu Ministru Aprova Dekretu Governu 4

Konsellu Ministru Aprova Dekretu Governu 4


Radio Liberdade Online - Dekretu Governu 4 (haat) ne’ebe aprejenta husi Vise Ministru Administrasaun Estatal Aprovadu Iha Reuniaun Konsellu Ministrus iha sesaun dader, informa Secretário de Estado do Conselho de Ministros, Avelino Maria Coelho da Silva, iha loron 29/3/2016, iha sala Midia, Palasiu Governu.

“Ida kona ba prosedementu espesial selesaun Presidenti Autoridade Munisipais e Administradores Munisipais aprovadu, depois rejimi avaliasaun desempenhu Presidenti Munisipais e Administradores Munisipais mos aprovadu, Remodelasaun ho estatutu protokolar Presidenti Munisipais e Administrador Munisipais ne mos aprovadu, Remodelasaun membrus du Governo apoiu tekniku Presidenti Autoridades Munisipais e Administradores Munisipais, dekretu Governu hat ne’e mak foin aprovadu iha sesaun dader nian.”

Avelino esplika liutan kona ba saida mak dekretu lei ne’e hatete, “momentu aprova tiha dekretu lei kona ba estabelesementu autoridades munisipais ho nia orgaun diresaun, dekretu lei numeru 2 no 3, estabelese ona purejemplu iha Munisipiu haat, Baucau, Dili, Ermera no Bobonaro, ne’e prejididu husi Presidenti Autoridade Munisipais, Munisipiu 8 ne’e bolu Administrasaun Munisipal, dekretu lei rua ne’e estabelese ona estatutu sira ne’e maka dekretu lei ohin Vise Ministru Estatal aprejenta ne’e koalia ona kona ba selesaun, atu hili se mak ba Presidenti Autoridades Munisipal no Adminidtradores Munisipal, Konsellu Ministru aprova ona para depos prosede ona selesaun.”

Iha fatin hanesan, Secretário de Estado da Comunicação Social, Nélio Isaac Sarmento, informa mos ba Jornalista sira katak iha Kinta Feira semana ne’e sei realija Permeiru Asembleia Jeral Konsellu de Imprensa, “agradese ba organizasaun sira hotu, delega sira nia reprezentante mai iha konsellu imprensa.”

Rádio Liberdade Dili
Fundu hosi Xina apresia ho kandidatura 20 ba iha investimentu luzófona

Fundu hosi Xina apresia ho kandidatura 20 ba iha investimentu luzófona


Banku Dezenvolvimentu Xina apresia ho kandidatura 20 ba fundu dolár rihun milloens ne’ebé kria tinan tolu ona hodi finansia projetu investimentu iha nasaun luzófona, no to’o oras ne’e foin maka “aprova” rua. 

Informasaun hirak ne’e fó sai hosi sekretáriu jerál Fórum ba Koperasaun Ekonómika no Komersiál entre Xina ho Nasaun Lian Portugés (koñesidu hanesan Fórum Makau) Chang Hexi, horisehik ba jornalista sira, hafoin hala’o tiha 11.ª reuniaun hosi sekretariadu permanente hosi organizasaun refere.

Ekipa ne’ebé jere fundu ne’e “esplika” ba sekretariadu Fórum Makau no tuir Chang Hexi, demora iha aprovasaun ba kandidatura seluk tanba mosu fallansu iha aprezentasaun dokumentu, liu-liu iha parte “báziku”.

Chang Hexi garante katak iha “tempu badak” sei aprova projetu “hat to’o lima” no ekipa fundu nian mos sei halo “estudu” finansiamentu ba projetu 20 seluk. Hatutan tan katak iha kandidatura ba finansiamentu projetu ba Brazil, Kaboverde ka Timor-Leste.

Projetu agríkola ida iha Mosambike, hosi empreza xineza Wanbao, maka hetan selu hosi fundu refere, ne’ebé kria ofisialmente iha juñu-2013, hafoin hetan insiativa hamutuk hosi Banku Dezenvolvimentu Xina ho Fundu Dezenvolvimentu Industriál no Komersializasaun Makau.

Asinatura ba finansiamentu hosi projetu ne’e hala’o iha Makau, fulan novembru-2013. Projetu iha rejiaun Limpopo kraik, besik ho sidade Xai-Xai hetan ona resposta “pozitiva” hosi fundu ne’ebé besik to’o dolár milloens 200, no ne’ebé kontribui ona ho milloens sanulu, tuir informasaun ne’ebé fó sai horisehik.

Projetu seluk ne’ebé hetan ona aprovasaun no ezekuta ona maka hosi Angola, projetu ba fornesimentu ekipamentu ba distribuisaun eletrisidade no bee.

Fundu Koperasaun ba Dezenvolvimentu entre Xina ho Nasaun Lian Portugés, ho dolár milloens 1.000 (euros rihun milloens 800) fó ho objetivu atu apoia empreza hothotu iha nasaun Xina no Makau, hodi halo investimentu ba iha nasaun lian portugés sira no dada mos nasaun luzófona hirak ne’e bá iha Xina.

Durante reuniaun horisehik, sekretariadu permanente hosi Fórum Makau aprova mos planu atividade ba tinan 2016, no nune’e maka Chang Hexi dehan katak prioridade maka organizasaun hosi 5.ª konferénsia ministeriál nian ne’ebé sei hala’o iha finál fulan outubru ka prinsipiu fulan novembru.

Xina tau ona Rejiaun Administrativa Espesiál Makau hanesan ninia plataforma hodi hametin koperasaun ekonómika no komersiál ho nasaun lian portugés hothotu desde 2013, tinan ne’ebé harii Fórum Makau no ne’ebé sei halibur nivel ministeriál kada tinan tolu-tolu.

Iha Fórum Makau halo parte hosi Xina, Portugal, Brazil, Angola, Mosambike, Timor-Leste, Guiné-Bissau ho Kaboverde. São Tomé e Príncipe latama tanba kontinua halo relasaun diplomátika ho Taiwan duke ho Pekin.

SAPO TL ho Lusa – Foto: EPA@ Carmo Correira
Kamponés Giné-Bisau agora bele sosa ekipamentu agríkola

Kamponés Giné-Bisau agora bele sosa ekipamentu agríkola


Agrikultór  kiik sira  Giné-Bisau nian sei hetan materiál  agríkola  iha 40% ne’ebé  oferese  hosi  Governu, hatete ohin ministru Agrikultura, Aníbal Pereira.

Responsável hosi agrikultura gineense nian anúnsiu iha  aktu asinatura protokolu ho Ministériu Ekonomia no Finansa, ne’ebé  jere hosi Ajénsia Nasionál ba Kréditu, instituisaun ne’ebé halo kontrolu ba ekipamentu agríkola Governu nian.

To’o ohin loron  ekipamentu ne’ebé fó ba agrikultór sira ka aluga hosi komunidade sira liuhosi folin simbóliku, maibé, regra jerál, materiál ne’ebé uza ladura ho tempu naruk tamba  falta manutensaun ka  kuidadu essensiál sira seluk.

Hahú agora agrikultór ne’ebé hakarak sosa  motobomba ida, deskaskadora ida, moiñu ida ka motokultivadora ida, tenki selu 40% hosi valór ekipamentu h  prazu máximu tinan haat.

"Objetivu atu lori kamponés, organizasaun kamponés, hodi kontribuí ba sira nia atividade rasik. Hanesan forma ida responsabilidade kamponés nian tuir valór materiál ne’ebé  nia sei simu ", defende ministru gineense ne’e.

Ideia ne’e, hatutan Aníbal Pereira katak, hanesan substituisaun deit ba  ekipamentu sira  no bele iha interese hodi tama  ba  banka komersiál hosi prosesu ezekusaun ba fundu ne’ebé sei utiliza fila fali iha  agrikultura, liliu, iha nível atividade familia nian.

Agrikultura sai hanesan baze ekonomia Giné-Bisau nian, maibé iha uzu ba mákina sei oituan liu, maski, iha tinan sira ikus ne’e, Governu introduz ona ekipamentu balun, maka oferese hosi India.

SAPO TL ho Lusa
República Checa solicitou estatuto de observador associado da CPLP

República Checa solicitou estatuto de observador associado da CPLP


Lisboa, 30 mar (Lusa) -- A República Checa oficializou em 10 de março o pedido para o estatuto de observador associado junto do Secretariado Executivo da CPLP, justificado pelo "interesse que o mundo lusófono" desperta no país.

"O pedido de atribuição do estatuto de observador vem confirmar o interesse pelo mundo lusófono manifestado pela República Checa na prossecução das atividades desenvolvidas nos tempos da Checoslováquia", refere uma nota do Governo de Praga enviada à Lusa através da sua representação diplomática em Lisboa.

A iniciativa do Executivo checo também é justificada pela presença da língua portuguesa em diversas instituições de ensino neste país da Europa Central.

"O português é ensinado em cursos de licenciatura e mestrado em três universidades checas e estamos muito satisfeitos pela presença de centenas de estudantes portugueses na República Checa e pela posição cada vez mais ativa dos nossos empresários no Brasil ou nos PALOP (Países Africanos de Língua Oficial Portuguesa). É para nós uma honra estar ao lado do mundo lusófono e temos a consciência da sua crescente importância", conclui a nota.

O Secretariado Executivo da Comunidade dos Países de Língua Portuguesa (CPLP) deverá entretanto remeter o pedido para apreciação do Comité de Concertação Permanente, encaminhando-o de seguida para o Conselho de Ministros, que recomendará a decisão final a ser tomada pela próxima cimeira de chefes de Estado e de governo da organização, prevista para julho em Brasília.

De acordo com os estatutos da organização, os observadores associados beneficiarão dessa qualidade "a título permanente e poderão participar, sem direito a voto, nas cimeiras de chefes de Estado e de governo, bem como no Conselho de Ministros, sendo-lhes facultado o acesso à correspondente documentação não confidencial, podendo ainda apresentar comunicações desde que devidamente autorizados".

A CPLP inclui nove Estados-membros (Angola, Brasil, Cabo Verde, Guiné-Bissau, Guiné Equatorial, Moçambique, Portugal, São Tomé e Príncipe e Timor-Leste) e diversos observadores associados, onde se incluem o Senegal, Ilha Maurícia, Geórgia, Namíbia, Turquia e Japão.

A Comunidade integra ainda diversos observadores consultivos, provenientes de diversos setores da sociedade civil.

PCR // EL
Suu Kyi presta juramento como ministra do novo governo da Birmânia

Suu Kyi presta juramento como ministra do novo governo da Birmânia


A líder do movimento democrático da Birmânia, Aung San Suu Kyi, prestou hoje juramento como ministra do novo governo do país, pouco depois de Htin Kyaw, um homem da sua confiança, ter sido empossado como Presidente.

Suu Kyi vai liderar quatro de 21 ministérios: o dos Negócios Estrangeiros, o do Gabinete da Presidência, o da Educação e o da Electricidade e Energia.

A Nobel da Paz prestou juramento com mais 17 membros do novo Executivo, numa breve cerimónia em Naypyidaw, transmitida pelo canal de televisão do parlamento.

Prémio Nobel da Paz em 1991, Suu Kyi, que a junta militar que governou a Birmânia manteve sob detenção durante mais de 15 anos, está impedida de se candidatar à Presidência do país devido ao artigo da Constituição que retira essa possibilidade a pessoas casadas ou com filhos estrangeiros.

Uma disposição que se considera feita para visar directamente Suu Kyi, viúva de um britânico e com filhos de nacionalidade britânica.

O partido de Aung San Suu Kyi, de 70 anos, conquistou a maioria no parlamento birmanês em Novembro do ano passado, naquelas que foram as primeiras eleições livres em mais de 25 anos.

A última junta militar cedeu em 2011 o poder a um governo encabeçado pelo general Thein Sein, que iniciou uma série de reformas políticas e económicas premiadas com o levantamento de sanções por parte da União Europeia e dos Estados Unidos.

SAPO TL com Lusa – Foto: EPA@ Nyein Chan Naing
Empossado primeiro presidente democraticamente eleito em mais de 50 anos na Birmânia

Empossado primeiro presidente democraticamente eleito em mais de 50 anos na Birmânia


Naypyidaw, 30 mar (Lusa) - O novo presidente de Myanmar (ex-Birmânia) tomou hoje posse, perante o parlamento em Naypyidaw, marcando o início de uma nova era para o país, que esteve durante décadas sob domínio militar.

"Prometo ser fiel ao povo da República birmanesa", declarou Htin Kyaw, que chegou ao parlamento ao lado da prémio Nobel da Paz e ativista pró-democracia Aung San Suu Kyi, envergando os dois 'longyis', a tradicional saia birmanesa.

"Tenho a obrigação de trabalhar para uma Constituição de padrão democrático e adequada ao país", disse o primeiro Presidente eleito democraticamente em mais de 50 anos.

"Compreendo que temos de trabalhar pacientemente para concretizar as ambições políticas que o nosso povo sonhou durante muitos anos", sublinhou Htin Kyaw, de 69 anos, no discurso de posse, de menos de três minutos, de acordo com o jornal birmanês The Irrawaddy.

Impossibilitada de ser Presidente devido a um artigo da Constituição herdada da junta militar, que proíbe o acesso ao cargo para quem tenha filhos de nacionalidade estrangeira - como Aung San Suu Kyi, que tem dois filhos britânicos - a "Dama de Rangum", figura dominante da oposição ao regime dos generais, vai liderar um novo "superministério", que inclui os Negócios Estrangeiros.

Suu Kyi tomou posse, tal como os restantes membros do governo, depois de Htin Kyaw. A prémio Nobel da Paz, de 70 anos, é a única mulher no executivo sexagenário.

Esta passagem de poder, 15 dias após a eleição de Htin Kyaw pelo parlamento, é o último ato de uma muito longa transição política, que começou depois das legislativas de 08 de novembro passado, o primeiro escrutínio livre em cerca de 25 anos e no qual os birmaneses participaram em massa.

A vitória esmagadora da Liga Nacional para a Democracia (NDL, sigla em inglês), o partido de Aung San Suu Kyi, nas eleições foi também um voto contra o governo de transição de ex-generais, responsáveis por importantes reformas em cinco anos de transição pós-junta militar, liderado pelo chefe de Estado cessante Thein Sein.

Ao mesmo tempo que saudou esta passagem como "uma nova etapa" para a democracia em Myanmar, a União Europeia lembrou, através da chefe da diplomacia dos 28, Federica Mogherini, "os numerosos desafios" ainda por enfrentar.

Este governo civil é investido quando um terço da população birmanesa vive sob o limiar da pobreza.

A NLD prometeu dar prioridade à educação e à saúde, áreas em que Myanmar é um dos piores alunos mundiais, em termos de orçamento.

"O país está pronto e ávido de mudança", considerou o analista político Khin Zaw Win, antigo preso político e atual diretor do centro de análise política Tampadipa.

O novo governo estará sobre forte pressão, nos próximos cinco anos, para empreender reformas rápidas e visíveis e será tentado a "não partir do zero", acrescentou.

Uma outra grande questão que espera a equipa de Aung San Suu Kyi é a dos conflitos étnicos. Em várias regiões fronteiriças, grupos rebeldes exigem mais autonomia e confrontam-se com as forças governamentais.

No oeste do país, milhares de muçulmanos 'rohingyas' continuam a viver deslocados em campos.

O novo governo terá também que manobrar para gerir as relações com o exército birmanês, que se mantém politicamente muito poderoso, com um quarto dos lugares no parlamento a pertencer a militares não-eleitos.

No executivo, os militares ocupam as pastas do Interior, Defesa e Fronteiras. O poderoso chefe das forças armadas, o general Min Aung Hlaing, deslocou-se ao parlamento para assistir à cerimónia de posse de Htin Kyaw.

EJ // EL
AUSTRALIA SEIDAUK PRONTU KOALIA FRONTEIRA MARITIMA

AUSTRALIA SEIDAUK PRONTU KOALIA FRONTEIRA MARITIMA


Prezidenti Repúblika (PR) Taur Matan Ruak informa katak, maske povu Timor Leste (TL) halo demonstrasaun dalabarak ona kontra Australia hodi defende sira nia soberania, maibé to’o agora Australia seida’uk fó ulun atu rezolve lalais fronteira marítima ho Timor Leste (TL).

“Ho Australia ita iha problema, tanba to’o agora, Primeiru Ministru Australia hateten katak, Australia seidauk prontu diskuti fronteira marítima,” informa Xefi Estadu Taur Matan Ruak, bainhira diálogu ho komunidade Suku Vato Boro, Postu Administrativu Maubara, Munisípiu Liquiça, Tersa (29/03).

Taur Matan Ruak esklarese, Estadu TL halo esforsu para regulariza disputa fronteira rai ho tasi entre TL ho Indonesia i Australia.

Xefi Estadu ne’e dehan, problema fronteira problema ne’ebe la fasil atu rezolve lalais iha mundu, hanesan Indonesia ho Malaysia no Papua Nova Guine.

Maibé Taur Matan Ruak dehan, fronteira rai maran entre TL ho Indonesia agora dada’uk hela pursentu rua de’it, tanba esforsu ida ne’e hahú kedas husi primeiru Governu.

“Foin dada’uk Prezidenti Repúblika Indonesia, Joko Widodo mai vizita ita nia rai, iha enkontru ita levanta kestaun ida ne’e. Saida mak ami nia intesaun, halo esforsu para hakotu tiha pursentu rua ne’e, hodi avansa fali ba fronteira marítima,” katak Taur Matan Ruak.

Taur Matan Ruak afirma, Australia seida’uk fó ulun atu rezolve fronteira marítima entre sira ho TL,  tanba antes TL ukun-an, Australia iha tiha ona akordu ho Indonesia kona-ba TL nia mina iha tasi laran.

“To’o ita ukun-an ita halo fali akordu ida, ita asina ho Australia akordu ida atu halo esplorasaun ba mina no gas,” katak Taur Matan Ruak.

Maibé Taur Matan Ruak esplika, iha akordu ne’e hateten katak, atu deskuti fronteira ne’e, to’o tinan 50 mak foin bele diskuti.

Taur Matan Ruak dehan, foin dada’uk TL lori Australia ba Tribunal internasional kona-ba asuntu ida ne’e, maibé Australia hatete nafatin katak, sira seidauk prontu deskuti fronteira ida ne’e.

“Kestaun mak ida ne’e, bainhira mak Australia prontu atu diskuti asuntu ida ne’e,” Taur Matan Ruak dehan.

Xefi Estadu ne’e esklarese lia hirak ne’e atu responde kona-ba preokupasaun komunidade Suku refere nian kona-ba soberania TL nian ne’ebé to’o agora Australia la fó ulun atu rezolve.

Komunidade Prizanto Oliveira, husu ba PR, Taur Matan Ruak atu esplika kona-ba fronteira tasi entre TL ho Australia ne’ebé to’o agora sei iha problema.

“Tanbasa mak ita nia soberania ne’e, Australia hakarak mai hada’u fali,” lamenta Prizanto Oliveira.cos

Jornal Nacional
KAZU FM, PN BELE HASAI REZOLUSAUN – LAIHA IMPAKTU BA RELASAUN TL-AUSTRALIA

KAZU FM, PN BELE HASAI REZOLUSAUN – LAIHA IMPAKTU BA RELASAUN TL-AUSTRALIA


Membru Parlamentu Nasional (PN) bele hasai rezolusaun ida hodi apoia manifestasdaun kontra Governu Australia kona-ba linha fronteira maritima (FM).

Membru PN husi Bankada CNRT, Arão Noe de Jesus, konfrima katak, reprezentante povu konkorda halo rezolusaun apoiu ba manifestasaun mesmu Parlamentu halo ona rezolusaun ida iha 2014 para kria komisaun ba negosiasaun mas lasala halo tan rezolusaun ida para fo forsa liu tan ba Governu apoiu 100% ba movimentasaun hotu-hotu.

“Asaun hotu hotu nebe halo mais pasiku tantu liu husi manifestasaun, negosiasaun ou diplomatikuita fo apoiu tomak ho objektivu ita nian para atu hetan justisa ba delimitasaun fronteira tasi Timor entre Australia ho Timor Leste,” hateten Deputadu Arão Noe iha PN, Kuarta (30/03/2016).

Antes ne’e Prezidenti Bankada FRETILIN, Aniceto Guteres, hateten, asaun ida nebe foin dau-dauk iha semana ida liu ba halo ne’e reprezenta Estadu, Timor oan tomak ninian, povu tomak ninia interese, nia sentimentu, nia preokupasaun kona-ba asuntu ida ne’e.
“Parlamentu ida ne’e ha’u hanoin labele husik hela asaun ida ne’e hanesan asaun tiha depois la halo buat ida iha ne’e. hau propoin ba Parlamentu ida ne’e halo rejolusaun ida atu fo apoiu ba asaun sira ne’e, mos fo apoiu atu reforsa tan Governu ninia esforsu tomak atu halo negosiasaun ba nune Timor Leste nudar Estadu soberanu bele hetan justisa tuir direitu internasional ninian,” hateten Aniceto Guterres.

La fo impaktu ba relasaun TL-Australia

Xefi Unidade misaun TIA-GT dezenvolvimentu ekonomia sub-regional Timor Leste, Indonesia e Australia, João Mendes Gonçalves, Kuarta (30/03/2016), halo enkontro trilateral entre Timor Leste, Indonesia ho Australia, maske oras ne’e dadaun Timor Leste ho Australia infretna hela problema fronteira maritima, maibe sei la fo impaktu ba koperasaun nasaun rua ne’e.

‘’Kestaun fronteira maritima ne’e kestaun politika sira nian, tan ne’e sira mak bele koalia no rezolve, ami iha ne’e koalia kestaun ekonomia no kestaun komersial ne’ebe mak fo benifisiu ba povu rai tolu ne’e, tan ne’e la iha impaktu ba ami atu kontinua halo koperasaun,’’ dehan João Mendes Gonçalves ba jornalista sira hafoin ratisipa enkntro trilateral, Kuarta (30/03/2016) iha salaun Nobre MNEC.

 João esplika katak,  ekontru trilateral ne’e hanesna enkontro normal ne’ebe mak akontese iha nasaun tolu, enkontro trilateral ne’e  iha ona planu asaun ne’ebe mak aprova ona husi rai tolu ne’e i hetan konkordansia husi nasaun tolu ne’e nia Governu.

‘’Ohin ne’e ami komesa debata kestaun balun ne’ebe mak liga ho konetividade, dala barak ami rona kona ba difikuldade movimentu ema transporte ho produtu ita nia fronteira ho Indonesia no mos difikuldade area martima ho aero nian,’’ koalia João.

Iha enkontro trilateral ne’e konvida ema sira ne’ebe mak involve iha kestaun sira ne’e hanesan, komapnia navigasaun aero, kompania transporte inklui mos autoridade sira, tanba sira mak halo kontrolo, nune’e iha oportunidade ne’e sira hotu bele koalia.

‘’Ami bele mos hare ona no identifika obstaklu no difikuldade ne’ebe mak ita nia sosiadade hetan, ita agora buka solusaun hodi ultrapasa difikuldade sira ne’e, depois kada nasaun lori ba nia Governu atu remove husi enkuadramentu legla ka buka dalan seluk,’’ tenik joao.

Iha enkontro trilateral ne’e deside area turismu sai prioridade bot ba sira, nune’e bele sai area ne’ebe mak dada turista sira mai i mos Timor Leste labele depende deit ba fundu mina rai komesa diversifika ona ekonomia rai laran.

Alende setor turismu, setor agrikultura, pescas, pecuario no infrastrutura mos sai setor ne’ebe mak importante atu investe, maibe sira hahu uluk ho setor turismu.

Iha fatin hanesan Ministru Estadu Kordenador Asuntu Ekonomia (MCAE) Estanislau Aleixo da Silva hatete, inisiativa Governu Timor Leste estabelese unidade ne’e hodi kria koperasaun trilateral ne’e hetan apoiu husi Governu Timor Leste rasik inklui mos Indonesia nian ho Australia, tanba nia objetivu atu dinamiza area ekonomia komersial entre pais tolu ne’e.

‘’Hanesan nasaun vizinhu ita iha kopersaun ekonomia diak tebes nune’e bele halo investimentu no mos atrai turista sira inklui mos fo oportunidade ba emprejario nasional sira atu hamutuk ho emprejario rai liur Indonesia ho Australia reforsa malu halo investimentu hamutuk,’’ esklarese Estanislau.

Nia informa, koperasaun rai tolu iha unidade ne’e agora  koalia liu ligasaun entre transporte tasi, aeros no terestre, maibe iha areos Timor Leste sei fraku tebes aeros farku tebes, tuir ministru ne’e avisaun ne’ebe mak oras ne’e dadaun semo iha Timor ituan tebes, tan ne’e seidauk iha kompetisaun, tan ne’e unidade ne’e hamutuk ho unidade iha Australia ho Indonesia koalia hela no buka solusaun nafatin ba problema sira ne’e. nes/nia

Jornal Nacional
HASAI IMUNIDADE VICENTE IHA PROSESU

HASAI IMUNIDADE VICENTE IHA PROSESU


Prosesu hasai imunidade Prezidenti Parlamentu Nasional (PN), Vicente Guterres, lao hela. Tanba ne’e, la duvidas, iha tempu balun Vicente Guterres, sei ba hatan kazu abuzu poder no partisipasaun ekonomia iha Trebunal.

Membru PN husi Bankada CNRT, Arão Noe de Jesus, hateten, prosesu ba hasai imunidade Prezidenti PN Vicente Guterres, kontinua lao, mas depende mos ba PN, katak se karta tribunal nian ne’e lori mai plenaria maka maioria afavor, automatikamente Vicente tenke ba Tribunal, mas mioria kontra, maka hein lai to’o mandatu Vicente nian remata maka bele kontinua nia prosesu justisa.

Informasaun husi tribunal katak iha ona pedidu badala tolu, se dala tolu ona Tribunal husu iha ne’e mai, persiza tau buat ne’e iha andamentu, pasa ba komisaun, komisaun halo pareser sira ne’e mai Parlamentu depois Parlamentu vota.

 “Hau hanoin diak liu aktu ne’e lao tia, se mai iha plenaria Deputadu sira vota maka barak liu kontra la autoriza husik depois de mandatu hotu maka ba responde i se autoriza foti imunidade ba responde, ida ne’e hau hanoin aktu normal ida para labele iha publika polemika ne’e lao hela deit to’o agora,” informa Deputadu Arão Noe iha PN, Kurta (30/03/2016).

Kuandu hasai ona imunidade ba Vicente oinsa ho nia kargu,  Arão klarifika katak, ne’e opsaun politika hotu, bele i bele mos lae, hanesan uluk membru Governu balun foti tiha imunidade mantein funsaun, depende ba rezolusaun nebe aprova ne’e ho modelu oinsa nian, modelu suspende periode ka, temporairu ba mumentu submete ba justisa ou foti imunidade suspende total depois kasu hotu maka fila fali ba mandatu, ida ne’e mos bele akontese depende ba konteudu de liberasaun nebe halo.

Nia hatutan, se suspende konsertesa vise maka sei troka, vise ida bele sae ba fali Presidente nia fatin, ida ne’e buat prosesu normal. nes

Jornal Nacional