IOB PROMOVE AIHAN LOKAL – DOASAUN RAN IHA HNGV

Diretora Ezekutivu Fundasaun Klibur, Isabel hateten, eventu promove aihan lokal ne’e foin primeira IOB halo hodi bele atrai estudante sira nia intensaun oinsa maka bele utiliza produtu lokal hodi tranforma sai produtu ne’ebe kualidade internasional.

Isabel hatete, aihan ne’ebe maka estudante sira promove simples, maibe nia kualidade prontu kompete iha merkadu.

Aktividade bazar aihan lokal ne’e hanesan programa husi komemorasaun dies natalis IOB nian ba dala XIII ne’ebe mak sei selebra iha loron Sesta semana ne’e nia laran.

Aktividade IOB nina ne’e mos hetan apoiu orsamentu husi Ministeriu Komersiu Industri Ambiente (MCIA) nia apoiu no mos husi Ministeriu Edukasaun.

Iha fatin hanesan Jose Violante Reis reprezenta MCIA hatete,wainhira koalia konaba produtu lokal iha MCIA liu-liu iha Diresaun imposivel konsumu aihan durante diresaun refere maka halo promosaun konaba aihan lokal.

“Agora dadaun ita iha produtu aihan lokal barak tama ona iha super merkadu hanesan, marmelada, kafe timor, sabaun lokal husi Muinisipiu Baucau ho marka aifunan ,produtu hirak ne’e agora dadaun tama ona iha bazar internasional,”dehan Jose Violante.

Nia sublina liu tan katak, produtu lokal hanesan sabaun ho kafe timor agora dadaun promove ona ba iha rai liur ,produtu hirak ne’e maka durante ne’e MCIA ho nia esforsu halo hodi kontinua promove iha rai liur. Tan ne’e agora dadaun MCIA tenta atu halo kordenasaun ho Ministeriu Agrikultura (MAP) liu-liu konaba politika iha suku ida ba ida tenki iha tau produtu aihan lokal, tanba ho oprtunidadade loke bazar aihan lokal hirak ne’ebe mak estudante sira kria fo vantajen tebes ba estudante sira liu-liu iha futuru hodi bele sai emprezario sira ne’ebe mak ba area produs produtu lokal sai aihan ne’ebe mak gostu.

Halo Doasaun Ran

Husi sorin seluk, funsionariu IOB hamutuk nain voluntariumente oferese ran ba Hospiatl Nasioanl Guido Valadares (HNGV) hodi ajuda passiente sira ne’ebe mak presija ran.

Fundasaun Klibur hamutuk ho funsionariu ho estudante IOB hakarak voluntariumente tinan –tinan oferese ran ba HNGV, maske kontribuisaun ne’e kik, maibe valor boot tebes ba hirak ne’ebe presiza ran iha HNGV.

Partisipasaun funsionariu sira nian masimu bele priense numeru to’o 60 ka 70 ne’e husi parte funsionario, maibe ba parte estudante hau seidauk hatene nia numeru hira, tanba estudante barak maka hakarak voluntariu fo sira nia ran,’’ hateten Diretora Ezekutivu Fundasaun Klibur, Isabel.

Iha fatin hanesan chife Unidade Banku de Sangue HNGV Arcenio Jose hatete, lalaok husi doasaun ran nia benefisiu mai husi ran ne’e rasik ,nia tarzetu maka husi estudante no dosesnte IOB nian .

“Konaba asaun doasaun ran agora dadauk ami halao hela aktividade ida ne’e, ami konsege kolekta ona ema nain 4 nia ran,hafoin remata doasaun ran ami sei lori ba halo teste iha banku de sangue hodi halo testu atu nune’e bele deteta moras hepatitis nomos sai venua sefelis,”dehan Arcenio.

Arcenio dehan liu tan katak, “Agora dadauk iha banku de sangue HNGV iha stok ran A hamutuk 15,B iha 10 ,AB 8 no mos O iha 18,total hamutuk 51, maibe iha loron hira liu ba pasiente balun presija ran, entaun balun komesa despaisu ona ba pasiente ne’ebe maka persija ran I agora stok ran limita tebes iha banku de sangue HNGV.

tuir Arcenio ho estudante IOB inklui funsionario fundasaun klibur ne’e bele ajuda ona baku de sangue HNGV hodi oferese ran ba pasiente sira ne’ebe mak presija.

Iha fatin hanesan Celestino Amaral ne’ebe mak oferese nia ran hatete, nia halao asaun doasaun ran ne’e la iha iha mak obriga, maibe voluntariumente fo nia ran, tanba nia senti orgulhu ho ran turuk ida ne’ebe maka apoiu ba pasiente iha HNGV hodi salva ema nia vida.

“Ohin loron hau kontente tanba pasiente sira mos iha hanoin ida i hau mos iha hanoin ida ita ema humanu sempre ajuda malu liu husi ran,” dehan Celestino. nia

Jornal Nacional