Tomada Depose Ba Prezidente KFP, PM Rui: Tenki Responsabiliza FP Ba Futuru

DILI - Primeiru Ministru (PM) Rui Maria de Araujo husu ba Prezidente Komisaun Funsaun Publiku (KFP) foun, Faustino Cardoso ho Komisariu sira atu kontinua serbisu hodi hadia funsaun publiku ho kolidade, atu lori estadu no sidadaun ba futuru ho susesu.

Lia hirak nee hatoo husi PM Rui, liu husi Tomda Depose ba Prezidente Funsaun Publiku foun Faustino Cardoso ho nia komisariu nain 4, iha Salaun Ministeru Negosiu Estranjeru e Koperasaun (MNEK), Pantai Kelapa, Dili, Sesta (29/05/2015).

Hau ba Prezidente Komisaun Funsaun Publiku foun responsabeliza no garantia funsaun publika serbisu ho professional no kapas, hodi garantia prestasaun serbisu ho kualidade, atu lori estadu no sidadaun ba oin ho susesu,” hateten PM Rui.

Tamba nee Xefi Governu husu ba Prezidente Komisaun Funsaun Publiku Faustino Cardoso ho komisariu Domingas Alves, Jacinta Bernardo, Maria Olinda Cairo Alves ho Jose Telo Soares Cristovão, hodi kontinua serbisu lori founsaun publiku ba oin.

Iha fatin hanesan Prezidente Komisaun Funsaun Publiku Faustino Cardoso agradese ba Governu no Parlamentu Nasional, neebe foo konfiansa ba sira, atu lori funsaun publika ba oin.

Nune mos eis Prezidente Komisaun Funsaun Publika Liborio Pereira hateten komisariu foun kontinua serbisu tau matan ba Funsaun Publika, para bele hadia no lori estadu no povu ida nee ba futuru ho diak. Informasaun kompletu iha STL Jornal no STL Web, edisaun Sabado (30/5/2015). Joao Anibal

Suara Timor Lorosae