TAUR KONSIDERA IMPLEMENTASAUN UMA MDG’S FAILA TOTAL

HATOLIA - Programa governu hodi halo Uma MDG’s ba kbit lae kada suku hetan uma lima, nebe lao durante nee faila total, tamba uma hirak nee povu la uza balun animal mak hela, nune governu faila total iha ninia implementasaun.

Prezidente Repubika Taur Matan Ruak hatete Governu esforsu hodi halo uma MDGS, uma Prepara atu aldeia ida hetan uma lima, maibe uma sira nee barak ema la okupa, balun intrega ema la hela fo aluga no balun husik mamuk aninal mak iha laran.

Programa Uma MDG’s nee ita nia difikuldade boot, ita bele dehan la hetan susesu 100% laos deit kualidade, maibe populasaun balun uza ba la uza tamba planu ladiak,” dehan Taur hodi hatan ba Prekupasaun Povu iha suku Hatolia, Postu Administrativu Hatolia, Munisipiu Ermera.

Nia hatete Programa nebe mak iha governu sei halo maibe tamba Timor Leste nia suku 442 sei halo ida ba ida, la halo hotu tamba halo hotu dala ida imposibel no laos hare deit ida tamba sei hare buat barak.

Iha fatin hanesan liu husi Sesaun husu no hatan Povu Hatolia Monica Martins Husu ba Prezidente atu hatun ba governu liu-liu Ministeriu nebe mak implementa projeitu Uma MDG’S, tamba povu iha suku Hatolia seidauk hetan too agora.

Nune mos komonidade suku Samara Mateus dos Reis hatete governu halo uma lima kbit lael maibe too agora suku Samara seidauk hetan, tamba nee husu ba governu labele implementa ba suku balun deit maibe suku seluk nebe lahetan husik nonok. Informasaun kompletu iha STL Jornal no STL Web, edisaun Sabado (30/5/2015). Timotio Gusmao

Suara Timor Lorosae