PRESIZA INSPESAUN PRO-ATIVU BA SASAN EXPIRE

Atu asegura liu tan povu Timor Leste nia vida no saude para livre husi moras ne’ebe maka bele kontamina ho hahan ne’ebe importa mai husi rai liur tama iha merkadu nasional, maka Ministeriu Comerçio, Industria no Ambiente (MCIA) tenki pro-ativu halo inspesaun ba lojas, kios no super merkadu sira.

Inspesaun ne’e importante hodi identifika sasan sira ne’ebe maka liu ona prazu (expire) no hahan balun ne’ebe talves bele kontamina ho veneno.

Reprezentante povu nian iha Parlamentu Nasional (PN) senti preokupa bot ho ia-han no sasan sira ne’ebe maka importa husi rai liur mai ne’ebe balun fa’an iha teritoriu Timor ho floin baratu mass nia tempu konsumu nian liu ona (expire).

Membru Bankada FRETILIN, Angelica Rangel, nota katak, hahan balun maka fa’an iha merkadu, hanesan latarias, bevidas, ayam potong, dosi no seluk tan, dala balun ema fa’an liu prazu ona.

“Ita presiza kontrola mos warung ho restorante sira ne’e nia menu, talves sira bele uza hahan ne’ebe maka liu prazu ona,” hateten Deputada Angelica Rangel ba JNDiario iha PN, Kuarta (27/05/2015).

Antes ne’e mos deputado Lionel Marsal husi

Bankada FRETILIN kestinoa kona-ba sasan ne’ebe mak liu prazu ona, maibe sei kontinua fa’an iha kios, lojas no super merkadu sira.

‘’Hau hola ayam potong iha Same nia prazu ne’e fulan 6 liu ona no lataria Deho ne’e prazu besik tinan 1 ona, hau husu loja nain ne’e dehan nia foin sosa husi Dili,” haktuir Deputadu Leonel Marcal.

Nia husu ba MCIA ho Ministeriu Saude bainhira halo inspesaun labele iha Dili deit, maibe kria mos ekipa inspesaun ida ba to’o munisipiu no suku-suku sira, tanba diler sira iha Dili laran ne’e hanoin iha municipiu Governu la halo inspesaun, tan ne’e sasan ne’ebe prazu ona sira tau hamutuk fan fali ba negosiante sira iha municipiu. Lia

Jornal Nacional