Governu Sei Persija Asesor Internasional Maske Selu Karun, Akara: “Hapara Neebe Laiha Kapasidade”

DILI – Governu Timor Leste kontinua presija assessor internasional iha area espesialidade balu, neebe mak Timor oan rasik seidauk bele, maske tenke selu osan ho valor neebe boot.

Informasaun nee fo sai hosi Primeiru Ministru (PM), Rui Maria de Araujo, ba jornalista sira liu hosi konferensia imprensa neebe maka halao iha Palasiu Governu, Kinta (28/05) wainhira publika relatoriu servisu loron 100 VI Governu konstitusional.

Ita rekruta mos ita kompete iha merkadu internasional, agora hau fo izemplu kiik ida ita persija ema espesialidadu iha area eletrisidade neebe maka timor oan laiha no ema nee diak duni, maibe iha rai seluk mos ema persija nian agora nia husu ita selu 12 mil dolar amerikanu, maibe ita dehan lae ami selu o ho dolar rihun 2 nee nia mai ga lae, ida nee mak ita persija hanoin,” hatete PM Rui.

Xefi Governu nee hatutan problema neebe maka governu hasoru laos konaba osan neebe bot hodi selu ba asesor internasional, maibe governu persija servisu neebe mak assessor internasional sira atu halo hodi responde ba nesesidade Timor Leste nian.

Iha fatin ketak Diretor Organijasaun Non Govermental Luta hamutuk, Mericio Akara, husu ba governu atu hapara assessor internasional balu, neebe mak laiha kapasidade atu halo servisu kuandu atu halo poupansa. Informasaun kompletu iha STL Jornal no STL Web, edisaun Sabado (30/5/2015). Thomas Sanches

Suara Timor Lorosae